星官

星官是中国古代对恒星个分组方式。开首眼星官是根据星群排列个特征来联想命名个，后首则多数出于实用角度拿人间个物事和总映射上去。

比起现代天文学敲定个八十八隻星座，星官数量较多、各自范围较小。个咾中国古代天文学家又拿渠拉分成功三垣廿八宿等大区。

西晋太史令陈卓汇总前人资料（甘德118隻星官、石申138隻星官、巫咸），敲定283隻星官，中国传统星官基本定型。隋唐《步天歌》确立“三垣廿八宿”体系。

明代徐光启编撰《崇祯历书》辰光参考欧洲天文学增补著近南极23隻星官。

日本江户时代天文学家涩川春海，根据自家个观察，来拉中国传统星官上也增补著61隻星官。

星官星数一览

下表数据，三垣廿八宿以丹元子《步天歌》为准，近南极星区以《仪象考成续编》为准。