春申塘

春申塘，黄浦江个支流，来勒上海市西南，乃朝河道西起松江区蟠龙塘，东到黄浦江，长约莫9公里，大部分来勒闵行区。

历史

相传春申塘是春秋战国个春申君开挖个，有儿歌：“啷啷啷啷啷啷，爷娘去开黄浦江，回来又开春申塘，领头大爷春申君，住在伲村黄泥浜”。春申塘历经疏浚过多𡍲。1978年截弯取直，放弃老个河道，河道长度短仔4.4公里

2005年因河道淤积、水质差（V类）等问题畀政府排进市级郊区“万河整治行动”整治當中，河道总阔30到60米弗等，常水位2.3到2.8米，防汛护岸高4.3米，排水标准是24個钟头雨量192.9mm。黄浦江到沪闵路是VI级航道，可通行100吨以下船舶，来勒进黄浦江个入江口设有水闸。河道两壗𡍲有水生植物，沿线支流有5000平方米个人工湿地来吸附水里向个有害物事，改善水质，做景观。