曼拉塔宫

曼拉塔宫（西文：Pazo de Meirás），是在拉西班牙伽利西亚地区修造个一个仿古风格别墅建筑。迭个建筑本身是一个作家个住宅，1936年西班牙内战爆发之后，作家个儿子在拉此地畀无政府主义者枪毙。之后，此地畀国民军解放。

曼拉塔外表，哥特复兴风格

1941年，作家个女儿拿房子转让把个辰光西班牙个领袖弗朗哥将军，因为弗朗哥是伽利西亚人，此地到伊老家邪气近，所以就每年侪要过来带全家人度假，放松，疗养。也因为迭个原因，让此地留下来交关弗朗哥个藏书、家私。

1975年弗朗哥死脱之后，迭个房子还是让伊屋里个人使用，2008年，畀宣布成西班牙国家文物保护单位。2019年，畀强制充公，开放成地方景点让人参观。弗朗哥家族为迭个事体，拿地方当局告到法院。法院宣布地方当局有道理，弗过要求地方当局把弗朗哥家族一眼钞票，作为伊拉交关年数以来维护迭个建筑物个补偿。