朝鲜核问题

朝鲜核问题，是指朝鲜民主主义人民共和国开发核应用能力而引起个地区安全跟外交等一系列个问题，搭渠搭界个是美国、韩国、中国、俄罗斯搭仔日本。

朝鲜勒垃1974年参加国际原子能机构，接下来勒垃1985年加入《不扩散核武器条约》，1992年签订《保障监督协定》，接受国际原子能机构个监督并多次接受渠个核查。

美国从20世纪70年代起就盯牢朝鲜个核项目，1988年下半年，美国正式对国际宣称朝鲜有可能勒海开发核武器项目个信息，搿举动马上引起朝鲜当局个强烈反弹和国际社会个广泛关注。

1994年5月30号，勒美国个极力推动下头，联合国安理会提出对朝鲜进行核项目调查并对渠进行制裁。1994年6月，美国前总统卡特前往平壤斡旋，同朝鲜政府达成仔《朝核问题框架协定》，搿个协议是朝鲜核危机个直接渊源。按照《朝核问题框架协定》个要求，朝鲜必须冻结渠个各样核项目，并勒垃拢总个核设施浪加装监控系统，禁止一切关闭项目个重启。勿过，美、日、韩三国协助朝鲜拆脱石墨反应堆并帮助朝建设两座轻水反应堆个承诺一拖再拖。搿两座反应堆搿发电能力大概是2千兆瓦。无没办法顺利进行个原因里向，作兴45亿美金个资金缺口是一个勿小个因素。2002年8月，轻水反应堆勒海朝鲜平壤奠基。勒搿前头，朝鲜一直勒海跟美国就反应堆个建设资金分摊问题讨价还价。

2002年10月，美国透过侦察机构掌握仔朝鲜仍旧勒海秘密研制核武器个证据，所以再次对朝鲜核项目提出异议。朝鲜当局当即承认仔美国个指控，随即引起国际社会对搿个关注，朝美关系再次陷入僵局。由于朝鲜当局坚持能源短缺个理由，拒绝美国提出个先停核项目，再谈能源问题个提议，朝鲜核危机正式爆发。

中国勒海朝鲜核危机方面采取比较主动积极个态度，从2003年8月27号到29号，由中国政府牵头勒海北京举行个朝鲜问题六方会谈之后，2004年2月25日到28日勒垃北京又召开仔第二趟朝鲜问题六方会谈，发表仔主席声明。各方原则同意勿晏过2004年6月底前勒垃北京举行第三趟六方会谈，并组成工作小组进行工作。其中，第一轮六方会谈并呒没达成任何协议。

2004年6月23号～26号，勒北京举行第三轮朝鲜问题六方会谈，也朆取得明显个进展。2005年2月，朝鲜勒海官方电视台个新闻节目里向正式宣布国家拥有核武器，所以协议中断会谈，并无限期押后仔下一轮会谈个日脚。

勒海各方个努力下头，2005年7月26号，第四轮朝鲜问题六方会谈勒垃北京开幕。但呒啥进展，于8月7号被迫休会三周。由于各方矛盾，复会日脚多趟拖延，直到9月13号再开始第二阶段会议。勒海第二阶段会谈取得仔显著个成果，与会各方一致通过《第四轮六方会谈共同声明》，勒海该声明第一条中，朝方承诺：放弃一切核武器及现有核计划。勒海第二天，朝鲜外务省又发表声明：勒朝鲜重新加入《不扩散核武器条约》（NPT）前，美国应该提供拨朝鲜轻水反应堆。而美方表示：勒海朝鲜放弃核武器、重返《不扩散核武器条约》并履行安全保障措施协定前，任何国家侪勿好搭渠开展轻水反应堆等核合作。

2006年10月3号，朝鲜宣布渠勿久就会得进行核试验，引起世界浪个广泛关注。2006年10月8号，朝鲜勒垃东北部个会宁郡进行仔一趟地下核试验。引起国际社会个强烈反应，中国外交部极罕见个使用仔严厉口气表示“坚决反对”。