桂小五郎

木戶孝允（假名：きどたかよし，1833年8月11日－1877年5月26日），在幕末辰光以桂小五郎个名頭出名。是日本19世纪幕末辰光長州藩出身个政客，也是明治維新个風雲人物。渠老早便投身到尊王攘夷个活動裏向，成为京都个浪人集團首領，同时搭坂本龍馬交好，並逃過新選組交關趟數个暗殺。倒幕戰爭之後進入權力中樞，弗過因得年輕辰光个生活弗規律，身體急轉直落，1877年故脱。