本字
啥个叫“本字”
编辑口语里向个字或者词汇，经常碰着写弗出来个问题。但有些字，实际浪是属于失传之古语，或者勒历史当中发生仔音变，到仔近代弗可考或者弗为人晓。而个个原本个写法，就叫本字。勒勒方言里向，本字探寻个问题特别常见。
本字问题个解决办法
编辑本字问题一般解决方式如下：
- 寻本字：千方百计考证出一个可能性比较大个本字。但个种情况常庄出现本字个现代发音搭口语实际发音（口语一般性比较存古）相差蛮远个脱节问题，弗利于本字勒一般群众当中个推广。
- 训读：以其它同义但不同音字代替。比如，借普通闲话个“这”，读上海吴语个“迭”。迭种做法对于推广也有一定个阻力。因为其语音搭仔字形个脱节。
- 假借字：以近音字代替无字可写个辞语。迭个是相当常用个做法，往往也比较实际。因为“本字”个概念也是相对个，寻弗着也证明弗出某某字是本字，毕竟弗好作基因组鉴定，再一个有些所谓本字相当生僻，勒电脑字库里向也无畀收录，影响信息化。假使好寻着简单个同音字，并且顶好意思也搭界，个么就可以用迭个同音字来替代。譬如上海吴语个近指代词“迭”，根据考证，19世纪个辰光是舒声“第”，有人讲源头浪本字是“是”，“是”勒文言文里向确实好表示普通闲话“这”个意思。但假使今朝阿拉用“是”，实际浪有点像上头讲过个“训读”，“是”现在通用个字音搭此地个“迭”脱节有眼远，弗大容易勒群众当中推广。
- 新造字：新造汉字，多为「口」字旁。迭个方法畀勒粤语广泛运用，对吴语来讲弗大适用，成本有眼高，并且效果弗一定好。
- 汉罗混用：全文以汉字为主体，无字可写的词汇利用罗马字，即拼音来写。
- 白话字：全以罗马字书写。
正字
编辑弗管用上头何里一种办法，假使一个字个写法畀大家广泛应用搭仔承认，或者拨一定个规范机构规范，各么，迭个字就是“正字”哉。
举例
编辑上海闲话
编辑上海大自鸣钟是市区里向格一个地方。。。