札幌站（札幌市营地铁）

札幌站（日文：さっぽろ駅／さっぽろえき^{Sapporo eki}）勒拉日本北海道札幌市中央区，边丄是北海道旅客铁道（JR北海道）个札幌站南广场。伊1971年12月14号开业，1988年12月2号东丰线开通因之变成功换乘车站。2017年9月1号，车站改成功出站换乘车站^[1]^[2]。

为仔区别，札幌市营地铁个箇站用个是平假名写法个站名“さっぽろ駅”，跟隔壁头用汉字写法个JR北海道个札幌站（札幌駅）写法弗一样。

车站结构

地铁札幌站勒拉JR北海道个札幌站南广场南面，北四条西三丁目搭仔北三条西二丁目个地底下头，长“H”字形，當中南北线个站台区来勒车站西面，札幌站站前大街（札幌駅前通）个地底下头，东丰线个站台则同南北线个平行，来勒车站东面个地底下头。两条地铁线路本身並呒没啥交叉，主要是依靠札幌站當中东西向个地下通道连起来。