杭州话语
杭州话或者杭州小片是杭州市区个方言，来东杭州市个上城区、下城区、西湖区、拱墅区，同江干区、滨江区个大部分地方通用。杭州话属于吴语太湖片杭州小片，基本发音同吴语一样个，但是受到官话个影响，绝大多数文白异读侪使用文读，同其他地区个吴语比起来，更像是搭官话一样个。一个顶特出个特点就是“儿化音”个使用，譬如“小伢儿”、“姑娘儿”、“纸儿”、“盘儿”等等，其他个吴语里向是没有个种噶个。有一种话法是，南宋个辰光皇帝从东京迁都到杭州，把北方话语个口音带过来了；也有一种说法是个卯杭州西郊留下地区个地方个话语才是正宗杭州话，因为太平天国个辰光把杭州人都杀光了，只留下那边十八家人口。必过箇两种说法侪呒啥证据。
使用人口
编辑杭州独特个历史让杭州话搭周边吴语差别蛮大，使用范围弗出杭州远郊。老早统计讲使用人口在120万左右。弗过老一辈人口消亡搭新一辈“杭州人”弗会杭州话个趋势下，迭个数字目前弗会超过100万。
现状
编辑杭州话讲个人本身就少，加上外来人口暴涨。箇卯杭州话语箇形势不大好。需要杭州人、对杭州方言、杭州文化有认同个人们共同去保护，去传承。