杭帮菜

杭帮菜指个是来勒杭州发源兴盛个菜。杭州菜系是中国八大菜系之一——浙菜里向主要个一支，1980年代末开始逐渐形成独立个菜系。杭帮菜讲究原汁原味，选料精细，兼顾时令，行厨有序，造型精致，多元创新，色、香、味俱全。杭帮菜主要是咸味道个，带眼甜味道，没上海菜介厚重，没苏州菜介甜，“清淡”是杭帮菜主要特点。

历史

2012年3月20号，中国杭帮菜博物馆（凤凰山路9号）正式开馆，总建筑面积13000平方米，集杭帮菜展示、体验、培训、经营，有专业展陈馆、钱塘厨房、杭州味道、东坡阁四大区域。

2016年9月4号夜里向，2016年二十国集团杭州峰会欢迎晚宴来勒西子宾馆举行，当天个晚宴提供个菜主要是杭帮菜，有松子鳜鱼、龙井虾仁、东坡牛排咾啥个。