板棋
板棋（Tafl），要麼翻譯爲擒王棋、捉王棋，原文古諾爾斯語意思為板[1]，是大約摸西元四百多年前頭出現，拉拉國際象棋棋出現之前，是北歐地區頂頂行個兩家頭白相個棋類，維京人拿其散播於北歐、西歐等歐洲個北大西洋各地，故咾有交關地方變體，規則也常莊略有區別。
一般規則 编辑
- 遊戲有兩方：
- 王師（官兵、保皇派、護王方、御林軍、皇家衛隊）一般爲白方，有兩種棋子：兵卒（兵丁）（taflman）N枚；國王（天子）1枚。
- 反賊（強盜、造反派、捉王方、起義軍、綠林軍、流寇）一般爲黑方，只有一種棋：兵卒（兵丁）（taflman）2N枚，數量一般性是王師個兩倍。
- 棋盤有好幾種規格，有7*7、9*9、11*11，甚至乾脆是圍棋棋盤19*19個。一般棋子擺垃拉格子裏向，拉拉格子裏向移動，除脫19*19個圍棋棋盤，棋子拉拉點塱向移動搭停留。
- 貼貼當中個格子叫作龍城（龍興之地，中軍）。棋盤塱向個四個角落頭叫作四都（城堡、邊城）。嗰五隻格子又統稱“王城”。任何一方兵丁勿可以停拉拉角落四格（都城、城堡），除脫國王，隨便嚡裏一方個兵丁是勿可停留個，但是可以路過龍城。
- 遊戲開始前先擺放好棋子，國王會擺拉拉棋盤貼當中個格子（龍興地、龍城），由御林軍圍繞。綠林軍常莊擺拉拉棋盤四邊。
- 每方輪流移動一枚棋子。
- 所有棋子走法儕是縱橫方向隨便走幾格到嘸沒棋子個地方，當中孬有棋子阻擋，就好像象棋個“車”。
- 對勿同棋子各有一種吃法：
- 夾吃：當己方主動有兩枚棋子夾牢一枚敵方兵卒，吃掉对方該枚棋子。不過，要是棋子主動走到對方兩個棋子當中，則勿算夾吃。
- 該規則下，角落四格搭棋盤中軍計為非白非黑。將如，白子靠上角落、中心格旁邊個黑子，算入夾吃。相反也一樣，白子無論是兵丁還是天子，處於角落、要麼中心搭之黑棋個當中也算夾吃。包括，白方王棋處於棋盤當中個辰光，邊浪向也白棋撥一枚黑棋靠上，照樣算夾吃。（也有拿五隻王城統統算作王師一方個。）
- 圍吃：當己方主動有四枚棋子包住一枚敵方國王，吃掉对方該枚棋子。
- 兩方勝利條件不一：
- 王師方以讓國王移動至棋盤角落個四都之一，“還朝”爲獲勝。
- 反賊方以圍吃國王獲勝。[2]吃脫王棋個規則如同吃兵棋，兩邊反賊格牢就算夾吃，四隅可以搭反賊夾吃王棋，但是中軍勿可以用來夾吃王棋。不過要是王棋背靠中軍，但是三面撥反賊包圍同樣算夾吃。（也有隻版本是，兩面夾吃勿算，要王棋撥四面圍殺，要麼三面圍殺加一面是王城、邊線再算夾吃。）
各種板棋[3] 编辑
-
挪威板棋（Hnefatafl）
11×11棋盤，N=12 -
撒克遜板棋（Alea Evangelii）
19×19棋盤，N=20 -
威爾斯板棋（Tawlbwrdd）
11×11棋盤，N=12 -
愛爾蘭板棋（Brandubh）
7×7棋盤，N=4 -
蘇格蘭板棋（Ard Ri）
7×7棋盤，N=8 -
薩米板棋（Tablut）
9×9棋盤，N=8
國王達陣區在捉王方起始位置
文化 编辑
有地方拿王棋稱爲：亞瑟王，侍衛分別用亞瑟王個親隨命名[4]。根據中國個文化，四位侍衛版本，我伲可以用唐僧作爲王棋，孫悟空、豬八戒、沙和尚、白龍馬作爲侍衛，用八個妖怪作敵方；八位侍衛個版本，阿拉可以拿王棋叫作”劉皇叔“，八個侍衛分別叫作：趙雲、張飛、關羽、馬超、黃忠、陳到、魏延、廖化；十六個敵軍分別用曹操陣營個將領來命名，比如：張遼、徐晃、張郃、李典、樂進、文聘、臧霸、夏侯淵、夏侯惇、張燕、龐德、許褚、曹洪、曹彰、于禁、曹仁、朱靈……
參考 编辑
- ↑ King's Table: Game of the Noble Scandinavians.
- ↑ The History of Hnefatafl.
- ↑ Hnefetafl A Norse Game. 原始文档勒2011-10-15存档. 访问日脚2022-11-13.
- ↑ https://www.regledujeu.fr/tablut-gwezboell/
外部連結 编辑
- 遊戲規則 档案，存勒互联网档案馆当中。（2020年9月24号）
- 遊戲下載
- https://yaksgames.com/games/hnefatafl/G050F1A3AB 在線遊戲