軸心國

軸心國是第二趟世界大战当中个一个阵营，具体包括纳粹德国、意大利搭日本等达成反共产协定搭其余攻守同盟个国家。此类国家一般使用法西斯主义、威权主义作为立国基础，还带有浓郁军国主义色彩。軸心國从1930年代当中阶段开始酝酿，到1930年代挨末阶段形成体系。欧亚大陆高头有将近20个国家正式加入迭个体系，更多国家，比方讲西班牙、葡萄牙也对此有兴趣搭暗中支持。1940年9月德、日、意簽仔《三國同盟條約》過後，勒第二次世界大戰當中對抗以美國、苏联、英國搭中華民國為首個同盟國。1944年之后，因为战场形势失利，交关国家投降或者退出战争。1945年，德国、日本侪战败，軸心國解体。