柏林墙

柏林墙(德文:Berliner Mauer)，是冷战当中，德国首都柏林长期存在个封堵性工程设施。迭个长墙有167.8公里长，立在东德一侧，还布满铁丝网搭巡逻放哨个哨兵。德意志民主共和国声称，修造迭个墙壁，是为防止法西斯间谍渗透，弗过真实个原因是东柏林个人大量逃跑到西柏林，对东德个经济搭劳动人口侪构成威胁。迭个墙壁修好之后，就畀当成是冷战个象征。到1980年代末，因为东欧剧变，柏林墙终于畀推倒，德国重新统一。