标准吴语

标准吴语（吳語協會拼音 piāu ciuǐn ngū ngēi; 吳語羅馬字 piāu ciùn ngū ngēi）是箇瑲扗网络丄向大家儂为吴语区创造出个一种共同语，模仿标准巴斯克语搭标准摩洛哥柏柏尔语个一种综合方言，也好讲是一种人造语言。標準吳語弗是要取代各地个方言，是希望搭现代标准阿拉伯语一樣，作爲公認个共同語，大家儂好保留自家个方言。所谓“标准吴语”嘸沒統一个方案，常見个像是有百度吴语吧网友hisahara个方案、“月绝书”个”低地吳語“、“第二聲”方案咾啥。箇星设计方案大部分是基于台州音系搭松江音系爲底子，收併各地方言，替100多年前頭个台州话、上海闲话、宁波闲话音系相似度交关高。

音系

標準吳語个音系一般性取材于台州音系为主，添加着各地方言个特徵一道个，箇然做个目的是在扗維持與太湖片互通个辰光，增加眼南部吳語个特徵，避免偏向滬蘇之嫌。一般性講，標準吳語有下底箇星特徵。（括號裏丄是吳語協會拼音）

常見个弗需要討論个分音有：分來lai 雷lei 藍lae，分落lok(laoh) 綠luk(loh)，分打tang(tan) 黨tong(taon)，分八pah(paeh) 百pak(pah) 畀peh，分衣i 煙iae/ie，分蝦ho 花huo，分干koe 官kuoe，分古ku 果kou。

分尖團，sin弗讀shin，箇個在太湖片弗少方言如蘇州話全分得清爽个，如「心」sin；見組細音弗腭化，按台州片唸法，如「金」kin。章組讀 [tɕ] 系，弗讀翹舌音，搭寧波、台州一樣个。莊組讀同精組，弗讀翹舌音。ng後跟細音也保留ng，弗變ny.

	精	精（細）	莊	章	見（細）	見
例字	草	俏	抄	超	竅	靠
標準吳語	tsau	tsiau	tsau	chiau	khiau	khau
常熟	tsau	tsiau	chau	chau	chiau	khau
蘇州老派	tsau	tsiau	tsau	chau	chiau	khau
蘇州中派	tsau	tsiau	tsau	tsau	chiau	khau
上海中新派	tsau	chiau	tsau	tsau	chiau	khau
寧波	tsau	chiau	tsau	chiau	chiau	khau
台州三門	tsau	chiau	tsau	chiau	khiau	khau

有 oh(oeh)，如 越 yoh(yoeh)，有箇隻音典型个是松江話。有 in(in)[iŋ] ≠ ing(ien)[iʌŋ]个區分，「心」[siŋ] ≠「星」[siʌŋ]， 箇隻分韻典型个是浦東川沙話。麻韻二等牙音也高化，如 「家」ko，箇個韻滬蘇口音弗高化。

咸山攝脫鼻，依照多數場許个唸法，咸山韻弗帶鼻音。 分覃談，覃作 e. 有个主張分咸山攝三四等，「先」siae ≠「仙」sie.

魚虞分韻，北吳也有字如 「徐」zi 「去」khi，還有口語裏丄个「許」he（俗字「海」）、「居」ke（俗字「該」），標準吳語裏丄推廣到所有个字，如「魚」ngei ≠「娛」ngiu，「豬」tzy ≠「諸」ciu，「予」yi ≠「雨」yu.

全白讀音，弗取北吳个文讀音。日母一律念唸 n，弗唸 zh/z，譬如「人口」唸 nin kheu，因爲嘸沒文讀音，所以日泥孃三个聲母弗分，碰着 i 全自然腭化；兩等字弗帶介音，譬如「交流」唸 kau lieu；梗摄二唸a，譬如「生」只唸 sang，弗唸 seng；支微入鱼，即蟹攝搭止攝个三四等合口字唸成工 iu，北吳一星口語詞裏丄也是介然唸个，譬如「貴」kiu、「圍巾」yu，箇隻唸法在標準吳語裏丄推廣到所有个字，如「桂」也是 kiu；保留見系通攝三等个介音，「公」kung ≠ 「宮」kiung；微母m搭v混用，按常見情況揀，也有人主張全用m.

有个主張支搭脂之分韻，箇個一星南部吳語如溫州話分得清爽个。

有个主張 /əʔ/ /eʔ/ 分韻，「鴿」keh ≠「个」kəh.

一般性東韻三等搭鍾韻弗分，宮 = 供，溫州話有箇隻區分。效攝弗作四分，腦 = 鬧，繞 = 尿，溫州話有箇隻區分。

保留弗符合韻書个慣用音、存古音、出韻音。如艦khae 轄huah(huaeh) 防bong(baon) 肥bi.

聲調一般取四聲，陰陽聲調个調型相同，陽聲自然偏低。譬如松江就是介个。變調方面，有个主張弗變調，全唸本調，也有个主張按「靖江-衢州型」咾「松江-常熟型」變調法个，關於採取北吳个前重式還是南吳个後重式並嘸共識。

词汇

词汇融合了交关北吴方言个词汇

¯ 平声 ˇ上声 ´ 去声 入声弗标注

人称代词

		第一人称	第二人称	第三人称
单数	郑重形式	我儂 ngǒu-nōn	爾儂 nǐ-nōn	佢儂 gēi-nōn
	普通形式	我 ngǒu	爾 nǐ	佢 gēi
	强调形式	寔我(儂) zeh-ngǒu(nōn)	佢 gēi	寔佢(儂) zeh-gēi(nōn)
复数	加“倈(la)”	我倈 ngǒu-la	爾倈 nǐ-la	佢倈 gēi-la
	加“㒓(taeh)”	我㒓 ngǒu-taeh	爾㒓 nǐ-taeh	佢㒓 gēi-taeh
	加“俚(li)”	我俚 ngǒu-li	爾俚 nǐ-li	佢俚 gēi-li

注：非正式口语中，“我”有懒音ňg，“倈、㒓、俚”念轻声。优先使用“倈”系列。

指示代词

	近指	远指
通用	箇(keoh） 居(kēi）	解(kǎ) 許(hěi)
物体	箇物(keoh-m）	解物(kǎ-m)
场所	箇墶(keoh-taeh) 居墶(kēi-taeh)	解墶(kǎ-taeh) 許墶(hěi-taeh)
样态	箇能(keoh-nēon) 箇樣(keoh-yán) 箇之(keoh-tsȳ) ……	解之(kǎ-tsȳ) …… 介(ká)

注：

1、通用指可以单用或后加数量词。譬如讲“箇個，箇位（先生）”“解個（人），解本（書）”。

2、“箇”搭“解”搭配使用，“居”搭“許”搭配使用。“箇、解”偏口语，“居、許”偏书面。

3、“墶”原本写“土耷”，因字库问题改为“墶”。由此引申出来个人称复数taeh也改为“㒓”。

4、“箇能/箇之”加在形容词前表示实际个程度，“介”加形容词前表示夸张个修辞。

疑问词

谁	哬人（ghā-nīn） 啥人（sā-nin）
哪里	哬裡（ghā-li） 哬墶（ghā-taeh） 哬裡墶（ghā-li-taeh）
什么	哬物（ghā-meh，ghā-m，gā-m） 啥（sā）
哪（个）	哬裡個（ghā-li-kóu）
什么时候	幾時（kǐ-zȳ） 唕瑲（záu-tshián） 哬辰光（ghā-zhīn-kuāon）
怎样	如何（nā hān） 如能（nā nēon）
为什么	為哬（yú-ghā） 為哬物（yú-ghā-m）
多少	多少（tōu-shiǎu） 唕（záu）

注：

1、“哬”是“何”个滞古发音，加口字旁作区别。

2、“啥”是“是何”个连音，有眼户荡发音是sā，有眼户荡读sō。“哬”系列疑问词在口语中统可以用“啥”。正式行文中优先使用“哬”系列。

数字

标准吴语	拼音
一	ih
二、两	nǐ/liǎn
三	sāe
四	sý
五	ngǔ
六	loh
七	tshih
八	paeh
九	kiěu
十	zhih

争议

迭個一節需要擴充

外部連結

• 吳語拼音輸入法
• 標準吳語字典（hisahara方案）
• 吳語拼音標註器（saeziae方案）