根宝足球基地

根宝足球基地曾经是中超足球俱乐部上海东亚2006-2014年个训练生活所在地搭仔伊个青训基地，来勒中华人民共和国上海市崇明区东平国家森林公园南面，占地约70亩。基地是中国教练徐根宝来勒2000年发起组建个，用伊自家个名字命名个。

发展

创建

1999年，大连万达主教练个徐根宝因为球队战绩弗好辞职。伊回到上海以後，来勒第二年投资约3000万人民币创建根宝足球基地，基地正式成立个日脚是2000年5月16号，6月1号正式奠基动工，2001年10月1号竣工。

2000年到2005年

2000年7月7号，96名第一批球员来到基地报到，伊拉来自上海、山东、湖北、安徽等各地，年龄范围从1988年龄段到1991年龄段。2000年，徐根宝应上海某著名啤酒品牌个邀请做电视广告，喊出：“我要缔造中国的曼联。”随後“缔造中国曼联”箇几個字被刻勒基地入口个一块灵璧石上，成为根宝足球基地个口号。

2003年1月4号到6号，基地以90年以後养出来个队员为主体组成上海少年队出访日本，来勒“第九届丰国杯九州少年足球邀请赛”六战全胜，拿着冠军。2004年1月31号，同一批队员代表中国参加“2004亚足联U-14少年足球锦标赛（东亚赛区）”，又拿着冠军，头一趟拿着洲际比赛冠军。

2006年到2014年

2005年12月25号，根宝足球基地帮上海东亚（集团）有限公司共同出资成立上海东亚足球俱乐部，由徐根宝担任俱乐部主席搭仔总教练，俱乐部球员则由根宝足球基地个球员组成。根宝足球基地以折合股份形式加入东亚足球俱乐部，而东亚集团则提供必要个资金畀球队征战职业联赛搭日常训练个开销。

2006年，上海东亚头一趟参加职业联赛，主场就是根宝足球基地。当年个中国足球乙级联赛里向，上海东亚获得取得南区第七名。同年，根宝足球基地召入一批1993-1994年龄段个学员，收进东亚俱乐部个梯队里向。2007年，上海东亚来勒当年中乙联赛夺冠。

升入中甲联赛以後，为咾满足联赛要求，球队拿联赛主场迁出根宝足球基地，仍拿伊当成球队训练搭生活基地。2012年，上海东亚夺得中甲联赛冠军，升入中超联赛。同时基地也来了弗停个招收梯队，伊个辰光有97-98年龄段，99-00年龄段、01-02年龄段三支梯队。

2015年到现在

2014年11月18号下半天15:00，上港集团举行上海上港集团足球俱乐部成立仪式，上港集团宣布全资收购上海东亚足球俱乐部，上港集团方面向徐根宝颁发聘书，聘请徐根宝做俱乐部总顾问。迭趟收购包括上港队个一线队、预备队、U-17梯队（97/98年龄段）个所有球员，但弗包括U-15梯队（99/00年龄段）。

为咾让小球员踢丄高水平比赛锻炼，徐根宝又搞了隻上海崇明根宝足球俱乐部，2017年11月16号下半天6点钟成立签约仪式来勒上海锦江小礼堂举行，从低级别联赛起步，争取用5年左右个辰光冲上中甲联赛。2018年元旦前後，上海足球事业个老领导来勒饭局丄建议徐根宝，弗要带队打职业联赛哉，认为伊年纪大哉，“也没这个资金实力”，想让伊拿球队输送畀申花等俱乐部。2018年3月31号，99-00（1999-2000）年龄段梯队整体转让畀上海绿地申花足球俱乐部。因为上海上港集团足球俱乐部有优先选择权，徐根宝首先问仔上海上港集团足球俱乐部个意愿，上港愿意启用“优先选择权”，但是有关职能部门认为箇首先是市场行为，其次要提升上海足球整体水平，平衡发展。几個重点球员想加盟申花，也有一些球员希望去上港，徐根宝本人希望是整体收购，後些来上港考虑放弃优先选择权仔么，99-00年龄段梯队整体加盟申花队。

2020年年初，根宝足球基地个"一线队"是02-04（2002-2004）年龄段球员。根据上海全运战略需要，根宝解散一线队，放弃参加当年全国城市联赛个资格，分散划畀由申花海港两家俱乐部主持个全运会两隻年龄组别队伍，當中廖重九、张慧宇等主力球员跟海港俱乐部签约注册。另外一隻产生重大变化个是基地06年龄段球队个属性。国家体育总局通过上海市体育局直接支持徐根宝打造国家级精英青训基地，拨出专款培养06年龄段队伍，从全国各地招生。根宝还从完善队伍建设，实现总局培养目标出發，邀请留尼汪青训总监克劳德·路易斯担任06年龄段球队个青训总监。啥人晓得疫情来哉，外加总局个整体预算调整，合作计划中断哉，根宝没资助也呒办法聘请外教团队，所幸决定崇明基地跟海港合作打造06年龄段梯队。

设施

根宝足球基地占地面积70多亩，基地有三隻半标准足球场，一隻德国进口个人工草皮室内足球场，搭仔占地7000平方米个足球宾馆，里向有经济房、标准房、豪华套房，还有好容纳100多位贵宾个高规格多功能宴会厅，120平方米个设施功能完善齐备个会议室，大堂咖啡座，卡拉OK、舞厅、棋牌室、乒乓室、桌球室等休闲娱乐场所。根宝足球基地畀上海市旅游局列为上海市观光景点。

参见

• 徐根宝
• 东平国家森林公园