桦太厅

桦太厅（日文：樺太庁〔樺太廳〕／からふとちょう^{Karafuto chō}；俄语：Префектура Карафуто，罗马化：Prefektura Karafuto），是大日本帝国治理桦太岛（中国叫伊库页岛；俄罗斯叫伊萨哈林岛）个辰光，来勒当地设立个地方行政官厅。伊个辰光，日本个管辖范围，是北纬50度以南、来勒1905年《朴茨茅斯和约》当中拿着个“南桦太”。

1907年（明治40年）4月1号，桦太厅成立，取代原本个桦太民政署。一开始设勒大泊町（乃朝科尔萨科夫），来勒1908年8月13号搬到丰原市（乃朝南萨哈林斯克）哉。

名字个来源是阿伊努语里向对箇座岛个叫法“kamuy kar put ya mosir”，意思是神来勒河口（黑龙江）创造出个岛。

1945年8月，苏联发表苏联对日宣战公告，占领桦太厅全区。日本拿桦太厅个机能转移到日本外务省，後些来根据1949年6月1号施行个国家行政组织法拿伊废除脱。