極晝
極晝，也叫白夜、永晝或者午夜太陽，是勒地球個兩極地區，一日天裏向，太陽儕勒地平線浪向個現象（整日天24鐘頭儕是日裏向）。
規律
编辑極晝個範圍發太陽直射點緯度搭界，極點搭俚個邊界交差個緯度就是太陽直射點個緯度。
春分過後，北極附近就會出現極晝，後頭極晝範圍越來越大；到夏至達到頂大，邊界碰著北極圈；過脫夏至，北極附近極晝範圍逐漸縮小，到秋分缩到0；秋分過後，南極附近出現極晝，後頭南極附近個極晝範圍越來越大；到冬至達到頂大，邊界碰著南極圈；過脫冬至，南極附近極晝範圍逐漸縮小，春分辰光缩到0。必過因為太陽折射，夏天辰光極晝個範圍作興會超過北極圈或者南極圈。
該浪弗斷重複，周期是一個回歸年。
