《水浒传》,是中国以白话文写成个章回小说,列为中国古典四大文学名著之一,六才子书之一。渠内容讲述北宋山东以宋江为首个绿林好汉,由被逼落草成为梁山泊一百零八将,发展壮大,直至受到朝廷招安再东征西讨个历程。又称《忠义水浒全传》、《江湖豪客传》,一般简称《水浒》,全书定型勒明朝

作者 编辑

话起《水浒传》个作者,历来讲法不一,目前顶受广泛认可个讲法是是施耐庵。别样观点包括罗贯中说、施惠说、郭勋托名说、宋人说咾啥。

版本 编辑

现存顶早个《水浒》版本,当属存拉上海图书馆个《京本忠义传》,此本大约刻于明代嘉靖年间,为一百回版本。

  • 一百回本(“容与堂本”“天都外臣本”“四知馆本”):宋江受招安后,又有征大辽,征方腊咾啥情节。
  • 一百廿回本(“郁郁堂本”、“袁无涯本”):一百回本基础上再增征田虎、征王庆咾啥情节。
  • 七十回本(“贯华堂本”):明末金圣叹删改一百廿回个“袁无涯本”,腰斩招安搭著之后事体,以原书第七十一回卢俊义隻梦作为结尾,再拿第一回改作楔子。
  • 一百廿回本(“梅氏藏本”):有“古本水浒传”之称,前七十回搭金圣叹“贯华堂本”一致,同样有卢俊义个恶梦;但后五十回与别样版本截然不同,呒没招安情节。隻版本后五十回真伪搭渠本身价值还有争议。

一般认为百回本是《水浒》故事成型定书顶早、也是顶接近传说故事个版本。

参见 编辑

《水浒传》章回单子