汉书

《汉书》，又名《前汉书》，是中国头一部纪传体断代史，廿四史之一。东汉班固所著，沿用《史记》体例而略有变更，改“书”为“志”，改“列传”“世家”为“传”，改“本纪”为“纪”。全书包括纪十二篇，表八篇，志十篇，传七十篇，共一百篇，记载上自西汉汉高祖元年（前206年），下至新朝地皇四年（23年），拢共230年个历史。语言庄严工整，多用排偶，遣辞造句典雅远奥，搭《史记》平畅口语化文字形成鲜明对比。中国纪史方式自《汉书》以后，侪仿照其体例，纂修纪传体断代史。

自班彪起即以著《汉书》为己任，经过廿几年努力，儿子班固完成了《汉书》主要部分。汉和帝永元元年（89），班固跟牢窦宪出击匈奴，参预谋议。后因事入狱，永元四年死拉狱里。当时《汉书》还听八表搭《天文志》朆写，汉和帝命班固阿妹班昭（曹大家）入东观藏书阁补作，马续协助班昭作著《天文志》。为著讲《汉书》前后历经四人之手完成，历时四十多年。《汉书》注疏当中，顶有名气个是唐颜师古注、清王先谦补注。