汉诺威

汉诺威（德文：Hanover）是欧洲大陆偏北个一座城市，乃朝属德国下萨克森州管辖，也是迭个州顶顶大个城市搭州府。汉诺威立在历史浪当过汉诺威选侯国搭汉诺威王国个首府。18世纪初，此地个乔治一世前往英国担任英国国王。这也让汉诺威搭英国关系紧密。1866年，普鲁士立在德奥战争之后吞并汉诺威，并拿汉诺威王国废脱，直接兼并汉诺威领土。之后，汉诺威就面临大面积推普活动，导致本身低地德语区域个汉诺威，乃朝标准德语推广度是德国第一。