维基百科

江泽民怒斥香港记者

江泽民怒斥香港记者，指个是2000年10月27号，香港有线电视个女记者张宝华勒拉记者会浪问时任中国共产党中央委员会总书记个江泽民啊是勒拉“钦点”董建华两年以后继续做香港特别行政区行政长官，江泽民不同意“钦点”个讲法，讲自家只是支持，还教育张宝华。阿末，勒拉2002年香港特别行政区行政长官选举当中，董建华自动当选。箇桩事体影响膜蛤文化蛮深个[1]。

背景

编辑

1996年1月26号，香港特别行政区筹备委员会勒拉北京市成立，时任中共中央总书记个江泽民勒拉150多位筹备委员会里向，只跟董建华一家头握手，畀认为是“众里寻他千百度”或者“钦点”，英国搭香港个政界同传媒界箇咾也晓得江泽民勒拉伊年12月举行个1996年香港特别行政区行政长官选举里向中意董建华[2][3]。阿末，董建华成功畀选浪，任期从1997年到2002年。

2000年10月，香港行政长官董建华去北京向国家领导人述职。26号到27号，中共中央勒拉十五届五中全会闭幕以后不久，憕拉人民大会堂召开三场记者会。10月26号，中共中央政治局委员、国务院副总理钱其琛召开第一场记者会；当中，有香港记者问钱其琛，中央啊是支持董建华连任，钱其琛说支持。咾多香港报纸勒拉第二天拿“中央领导人已经钦点董建华连任特首”摆拉报纸头条浪[4]。10月27号上半天，时任国务院总理个朱镕基召开第二场国务院总理记者会[5]，也有香港记者问伊同样个问题，朱镕基呒没回答。

记者会经过

编辑

2000年10月27号下半天，时任中共中央总书记同国家主席个江泽民召开第三场记者会。

伊个辰光，张宝华是香港有线电视个时政记者，伊貤问张泽民同样个问题。江泽民先用粤语回答“好啊”、“当然啦”，勒拉记者问伊为啥箇能介早就钦定董建华做特首个辰光，江泽民开始对“钦定”表露出弗满。他还表扬曾经采访过伊个美国记者迈克·华莱士，批评香港新闻界“问来问去的问题呀，都too simple, sometimes naive”。[6][7][8]

后续

编辑

阿末，勒拉2002年香港行政長官選舉当中，董建华呒没碰着竞争对手，自动当选。

箇桩事体也让张宝华出名，伊个Youtube频道亦叫“Too Simple Sometimes Naive”[9]。

事体传到香港，有人弗高兴。勒拉江泽民发表讲话以后，多個示威者去外交部驻港特派员公署游行示威，批评政府吓媒体、钦点政府官员，要求普选行政长官[10]。

一星海外媒体，特别是有法轮功背景个中文媒体，宣传江泽民呒没风度[11][12]。

2001年12月，勒拉江泽民个记者会浪，又有香港记者问“啊是支持董建华参选”，江泽民表示，伊已经回答过箇个问题交交关关趟嗒哉，箇末今朝再畀大家背一趟[13]。

2011年以后，箇桩事体又勒拉中国内地网络浪行起来[14]，逐渐变成一种网络搞笑文化——膜蛤文化。网浪向谈箇桩事体个辰光，弗一定是负面评价[15]。

2016年，张宝华勒拉新浪微博浪捧咾江泽民卡通图像个蛋糕拍照片，庆祝江泽民九十岁生日[16]。

江泽民故脱以后，张宝华勒拉Facebook浪发文章[17]，表示当年个肏铲是“世纪金句”，表示伊弗会得忘记脱江泽民讲个箇些“语重心长的提醒”，会得继续保持‘simple’搭‘naive’个赤子之心。当年箇桩事体个片段又勒拉网浪行起来，纪念江泽民[18]。

参见

编辑
  • 膜蛤文化：箇桩事体演变出个亚文化。
  • 江泽民：事体个主人公之一，政治家，时任中共中央总书记、中国国家主席。
  • 张宝华：事体个主人公之一，记者，伊个辰光勒拉香港有线电视负责报道两岸政治新闻。
  • 彭定康：畀张宝华提到个阿末一届香港总督；伊认为江泽民勒拉影响、干预香港个法治。
  • 董建华：事件中连任与否个讨论对象，伊个辰光是香港行政长官。
  • 钱其琛：事件中经常出现个另一位中共高官，伊个辰光是中共中央政治局委员、国务院副总理，原香港特别行政区筹委会主任委员。

参考文献

编辑
  1. ↑ "江澤民逝世：一位長者的死與生，中國網絡「膜蛤」的前世今生". 端傳媒. 2016-08-24. 
  2. ↑ 王俞 (2015-07-02). "欽點之說 自欺欺人". 香港東方日報. Archived from the original on 2021-11-30. Retrieved 2021-06-03. 
  3. ↑ "江澤民握手欽定董建華". 香港蘋果日報. 2005-03-11. Archived from the original on 2021-06-03. Retrieved 2021-06-03. 
  4. ↑ "十六年前那次採访江泽民，让她成了膜蛤教主". 端传媒. 2016-08-17. "“（第一天）当时就有记者行家问：‘中央支不支持董建华连任？’钱其琛说支持。于是第二天一早，香港报纸就已经大新闻了，报纸头条都说──中央领导人已经钦点董建华连任特首了”，“但好玩的是，有人问了朱镕基‘中央是否钦点了’，朱镕基却没有回答”，轮到江泽民的记者会，“就算我不问，其他记者也会问。而当时真是很巧。可能其他同行打算先问其他问题。所以最后的结果，是我问了出来。”" 
  5. ↑ "十六年前那次採访江泽民，让她成了膜蛤教主". 端传媒. 2016-08-17. "当年10月26、27日在北京的记者会，两天共有三场。第一场在26日，对象是时任副总理钱其琛。第二场在27日上午，对象是时任总理朱镕基。27日下午的第三场才是江泽民。有线电视用抽签的办法决定哪名记者去访哪一场，前两场张宝华都没抽到，于是去了第三场。" 
  6. ↑ "Online wishes pour in as Jiang Zemin turns 95" (in en). South China Morning Post. 2021-08-18. Retrieved 2021-10-26. 
  7. ↑ "How Hong Kong journalist berated by Jiang Zemin turned to art" (in en). South China Morning Post. 2016-11-03. Retrieved 2021-10-26. 
  8. ↑ 電影倒着看, 【TVB新聞檔案】江澤民怒斥香港記者（高清不掉幀版）, 2016-12-23 [2018-08-31], （原始内容存档于2017-04-14） 
  9. ↑ "張寶華 求新求變 找到更好的自己". 香港经济日报. 2016年1月23日. 
  10. ↑ "江澤民講話引起抗議" (in zh-yue). 無綫新聞 - 新聞檔案. 2016-12-22. Retrieved 2017-12-26. 
  11. ↑ 田, 净 (2013-09-07). "被江泽民〝捧红〞的香港女记者锐气不减当年". 新唐人. 
  12. ↑ 周, 雅 (2013年9月7日). "觸怒江澤民的美女記者 比「圖樣圖森破」更出名". 大纪元. 
  13. ↑ 特写：国家主席江泽民坦诚回答香港记者追问. 中新社.
  14. ↑ "「膜蛤文化」盛行中國網絡，或為影射習近平". 纽约时报. 2015年10月21日. 
  15. ↑ 何清涟 (2016-08-19). "何清涟：中国的三种怀旧：毛粉、膜蛤与民国当归" (in zh-hans). Archived from the original on 2016-08-28. Retrieved 2016-08-24. 
  16. ↑ "【90大壽】江澤民生日 張寶華：慨嘆現時言論自由不及過去". 蘋果日報. 2016年8月17日. Archived from the original on 2016-12-20. 
  17. ↑ 張寶華 Sharon Cheung (2022-12-02). "江澤民去世，這幾天都是鋪天蓋地悼念他的新聞。". Facebook.
  18. ↑ 文維廣 (2022-12-02). "江澤民逝世︱張寶華開腔：簡單幼稚22年不變　與後生共勉保赤子心". 香港01. 

外部链接

编辑
取自“https://wuu.wikipedia.org/w/index.php?title=江泽民怒斥香港记者&oldid=306688”