江西省南昌县“1·8”重大道路交通事故

江西省南昌县“1·8”重大道路交通事故，又叫2023年江西省南昌县重大交通事故，是2023年1月8号0点49分左右勒拉中华人民共和国江西省南昌市南昌县幽兰镇S517连接线桃岭村路段发生个一桩重大道路交通事故。到1月12号，已经有19人死脱、20人受伤。

经过

伊个辰光，火葬场排队，箇么当地村民只好从凌晨开始走过去送葬。箇个辰光，一部装拉砂石个重型半挂车突然之间冲到人群里向，死脱、受伤个人弗少。箇段三级公路长差弗多4.6公里，是沥青路面。但也有当地人讲，最近箇路壗头有雾，路上看弗清爽。

调查

2023年1月12号，国务院安全生产委员会向江西省人民政府发出《重大生产安全事故查处挂牌督办通知书》，国务院安委会决定挂牌督办箇桩重大事故个查处。

2023年12月9号，江西省政府事故调查组公布江西南昌“1·8”重大道路交通事故调查报告，认定箇桩交通事故是一桩货车司机严重超限、严重超载、超速行驶，路过人群个辰光呒没做有效个安全避让措施；做白事个人立拉马路浪，烧纸钿、放炮仗，搞得唻烟雾腾腾，司机看弗清爽箇路。