沧浪亭（吴拼：Tshong-Long Dieng），是苏州古城南许一座吴越园林建筑。搭苏州文庙㬮朝隔著一条小马路，搭可园门对门挨牢，有小桥联通。此地是苏州府留存到玱朞历史顶悠久个园林，北宋辰光个文人苏舜钦修建，之后，北宋权臣章惇获得此地，改造著蛮多。元明辰光，一直是佛庙，到十六世纪中叶，再修复成功园林。乾隆帝南巡辰光来过此地。十九世纪太平天国战乱后貤有毁坏，㬮朝个建筑是个之后重新奠定布局个。
