河姆渡遺址

河姆渡遗址是浙江省余姚市在1973年发现个一处新石器时代古人类遗址。遗址在場余姚市河姆渡镇，是伊歇罗江公社村民偶然发现个。经过考证，昰处遗址頂深个第四文化层历史在距今6000年到7000年之间。由于该遗址是周边同一类型、同一年代发现遗址當中頂早发覺个，噶咾該遗址所代表个史前文化畀统称为河姆渡文化。

经过发掘证实，河姆渡遗址居住个史前先民采用干栏式建筑作为房屋。在房屋建造过程當中，发现大量榫卯结构证据。在遗址中发现大量稻谷搭骨制农具骨耜。箇发现证明河姆渡先民具有种植水稻个能力，打破爻先前水稻起源於印度个学说。发现个家畜遗骨证明当时辰光能够饲养猪、狗、水牛等家畜咾啥。遗址中发现陶制纺轮，证实伊歇已然有得纺纱织布。遗址中还发现8支木桨。尽管朆发现船个遗迹，但是，在遗址中出土爻一只微型陶制独木舟模型搭大量水生动植物交海洋鱼类遗骸。上述發現全科好证明伊歇个古河姆渡人已经能够制造船只。

此外，遗址中发现个骨哨搭陶器表面各种形状个雕刻反映了当时辰光个原始艺术。大量发现个象牙雕刻搭玉器中出现太阳搭鸟个形象。該個体现爻当时个原始崇拜。其中頂頂著名个是“双鸟朝阳”象牙雕刻。該文物畀确定为国家一级文物，并成为河姆渡个标志之一。

目前，遗址发现地建有河姆渡遗址博物馆搭遗址还原区。2008年，博物馆搭遗址还原区免费向公众开放。

图片

河姆渡遗址博物馆
遗址还原区
圆口广沿黑陶罐，河姆渡遗址出土
黑陶釜，河姆渡遗址出土

参考文献

张光直《古代中国考古学》（南京：江宁教育出版社，2002年） ISBN 7-5382-6208-3
河姆渡遗址博物馆介绍档案，存勒互联网档案馆当中。（2010年6月1号）
浙江文物保护——河姆渡遗址档案，存勒互联网档案馆当中。（2016年3月4号）

外部链接

河姆渡遗址博物馆主页档案，存勒互联网档案馆当中。（2010年2月11号）