泊松比

泊松比（英语：Poisson's ratio），以法国科学家泊松命名，是材料力学搭弹性力学里向个名词，定义是材料受拉伸或压缩力辰光，材料会发生变形，而其横向变形量搭纵向变形量个比值，是隻无量纲量个物理量。

材料个泊松比定义横向应变（x方向）同轴向应变（y方向）个比率。

当材料来勒一隻方向畀压缩个辰光，伊会得来勒跟伊垂直个另外两隻方向伸长，箇就是泊松现象，泊松比是用来反映泊松现象个无量纲个物理量。泊松比一般是正值，表示来勒一方向拉伸後，其他方向会得收縮，弗過也有泊松比為零甚至為負个材料。能量法好算出泊松比个范围是(-1,0.5]。

来勒均匀各向同性材料當中，剪切模量G、杨氏模量E搭仔泊松比$\nu$三个量當中只有两隻是独立个，存在下头箇隻关系：

$G={\frac {E}{2(1+\nu )}}$