法蒂玛圣母(葡文：Nossa Senhora de Fátima）也好叫做玫瑰圣母。是伊比利亚半岛西面葡萄牙境内个法蒂玛镇显现个耶稣基督阿妈圣母玛利亚个形象。迭个事件是1917年畀三个放羊个小人看到发觉个。开始辰光，别人侪弗相信，还拿伊拉关到监狱当中。弗过，之后有7万人同时目睹圣母显现，让迭个事情个接受程度大大增加。1930年，梵蒂冈个罗马天主教会认定迭个奇迹是有信服程度个。乃朝，法蒂玛已经成为交关天主教信徒到葡萄牙一定要去个场化，去瞻仰法蒂玛圣母。
