泰安府

泰安府，是近古辰光，在拉东亚大一统帝国当中存在过个一个行政单位，具体位置在拉乃朝个山东省泰安市。

泰安府，1907年

历史

金帝国辰光，在拉泰安设置泰安军；金世宗大定廿二年（1182年），第一趟设立泰安州，滞缩在拉岱岳镇（乃朝泰城），隶属山东西路。

元帝国阶段，此地还是叫做泰安州，属于东平路，后手来畀中书省管理。

明帝国阶段，此地是济南府底下头一个散州。

一直到清帝国雍正年间，才第一趟设立泰安府。同时，拿老早仔个东平府废脱，变成功东平州，随后，又拿东阿县、平阴县也划入泰安府。

1913年，泰安府畀中华民国废脱。