浦东机场捷运
浦东机场捷运是上海浦东国际机场里向个机场联络轨道系统，初期拢总只有两条线路，侪是连接航站楼同卫星厅个。两条线路规划远期来勒新造个3号航站楼接通换乘。系统用个是4节编组A型地铁列车，预留扩编到5节编组A型地铁列车个条件[1]。2015年12月份，伊跟浦东机场卫星厅工程一道开工[2]，2019年9月16号一道开通，运行间隔5分钟，单向行程最快2分30秒[3]。
线路设计
编辑
捷运东线从2号航站楼出发，到S2卫星厅，远期会得延伸到T3航站楼。车站侪是地下一层一岛一侧站台，正线长2.16公里（运营段长1,652米），西联络线（S2-车辆基地）长2.0公里。
捷运西线从1号航站楼出发，到S1卫星厅，远期会得延伸到T3航站楼。车站侪是地下一层一岛一侧站台，正线长2.37公里（运营段长1,861米），东联络线（S1-T3）长713.22米[4]。
未来发展
编辑浦东机场第三座航站楼启用个辰光，浦东机场捷运会得延伸到第三座航站楼，拿卫星厅、一号航站楼搭仔二号航站楼串拉一道[5]。
参考
编辑- ↑ 上海浦东国际机场三期扩建工程项目环境影响评价报批前公示 (zh). 上海环境热线 (2014-07-30). 原始文档勒2014-08-10存档. 访问日脚2024-05-27.
- ↑ "浦东机场三期开建最大卫星厅" (in zh). 东方早报. 2015-12-30. Archived from the original on 2016-06-04. Retrieved 2024-05-27.
- ↑ "浦东机场卫星厅9月16日正式开航 捷运系统将正式启用". 新浪网. 2019-09-09. Retrieved 2019-09-16.
- ↑ 上海浦东国际机场三期扩建工程竣工环境保护验收监测报告
- ↑ "浦东机场将“五楼八跑道” 21号线规划亮相". 上海市人民政府网站. 2016-11-01. Retrieved 2019-09-16.