消费者物价指数

消费者物价指数（（英文：consumer price index，缩写CPI，亦叫居民消费价格指数）是经济学里用得来衡量家庭购买个消费品搭服务个平均价格个一个指数。伊是国家统计部门测量个几个物价指数之一,用百分比个变化来表示,是通货膨胀程度个重要量度。该个指数搭人口普查搭国家财政收入跟生产总值数据一淘，是受到顶顶密切关注个国民经济统计数据之一。

计算方式 消费者物价指数测量格是随着时间格变化，包括多种（几百种）商品搭服务零售价格平均变化值。格个多种商品搭服务分成共几个主要格类别。勒计算消费者物价指数格辰光，每个类别才有一个能显示俚重要性格权数。格点权数是通过帮成千上万格家庭搭俚朵个人调查购买格产品搭服务来确定格。 中国大陆格CPI格构成包括食品、烟酒、用品、衣裳、家庭设备、医疗保健、交通通信、娱乐教育文化、居住八大类产品价佃，勒八大类产品里向CPI权重最高格是食品，权重占32.7%。