淀浦河

淀浦河，中国上海市黄浦江主要支流，乃朝淀浦河青浦镇向东到打铁桥一段本来是蒲汇塘个一段，1971年改名叫淀浦河，1977年人工疏浚出来，西起淀山湖，向东直流到徐汇区港口进黄浦江。箇条河全长46.4公里，经过青浦区、松江区、闵行区、徐汇区，本来是淀山湖区往黄浦江排水同航运个一条通道，乃朝规划成上海一条主要景观河流。

淀浦河莘庄商务区段

历史

历史丄曾疏浚过多𡍲蒲汇塘。宋淳熙二年(1175年)到清宣统二年(1910年)先后疏浚过14趟。1934年，民国政府花仔1.7万多元来勒上海市同松江、青浦两县一道疏同蒲汇塘七宝段河道。後些来，河道貤来勒1958年、1971年、1976年疏浚治理过三趟。

淀浦河工程完成以後，青浦、松江约有50多万亩荡头弗再噶容易畀水淹没脱，也为开辟一条新个内河航道，从淀山湖到黄浦江，航程缩短仔30公里。因为潮差加大，流速加快，血吸虫个中间宿主钉螺呒办法生存下去就会得畀水冲走，故咾为1985年上海彻底消灭血吸虫病创造有利条件。