源義經

源义经是日本历史浪平安时代挨末阶段邪气有名个武士。伊是源赖朝个同父异母阿弟。小辰光畀对头平清盛放过，送到京都个鞍马寺长大，幼名叫做牛若丸（うしわかまる）。后势来，往东逃到陆奥地区。又寻到自家阿哥，并且为伊作战。来勒源平合战当中发挥邪气重要个作用。弗过，畀源赖朝嫉恨，反目成仇，最后被迫自尽。源义经也是日本文化当中有名个悲剧人物。