滑稽戏

滑稽戏，一种戏种，起源勒苏州，在拉上海搭周边地区一度流行个喜剧表演方式。迭个艺术基本上向使用上海闲话，同时模仿多许吴语太湖片方言。有常时也模仿北方官话、粤语咾啥个语言。

一个人唱个滑稽戏叫“独脚戏”。抗日战争中期，从上海个“独脚戏”开始，吸收中国剧种、外国喜剧、闹剧搭仔江南各地戏曲，逐眼形成功滑稽戏迭个新戏曲剧种。因为表演闲话是吴语，个咾只勒上海、江苏、浙江等吴语区流行。

二十世纪后半叶，滑稽戏经历仔一个从发展个高峰到滑落个过程。在拉上海，五十年代之后，以姚慕双搭仔周柏春为代表个新一代滑稽大师一改陈风，剔除脱低级庸俗个下作噱头，担文言诗词、英文、科学技术等等有档次个内容加进来，反响邪气好，滑稽戏也是空前个繁荣。但不过，自从1980年代开始强制推广普通话之后，滑稽戏个地位就慢慢能开始、外加弗断能个边缘化。在拉《老娘舅》、《红茶坊》之类个电视滑稽戏红极一时仔以后，基本进入到后继无人个局面；阿末一个用滑稽戏个独脚戏方式表演并出名个人物是周立波——2000年代末脚，伊成为仔上海滑稽戏个头面人物。但是因为伊讲过一眼真心言话，就畀北方交关“明星”以及高层抵制咾封杀脱，只好跑路，到北美去哉。

到2010年代，滑稽戏彻底成为边缘艺术模式。现实当中，上海个多数居民已经开始对迭只艺术形式陌生起来，有得交关年轻人从来弗曾听歇过、弗曾看歇过滑稽戏。在拉媒体上向，伊拉也无任何突破；甚至有得弗弗少少滑稽戏剧团个成员，跑到购物频道去推销中老年用品，带来仔邪气大个负面影响。

2021年，上海黄浦区一个滑稽戏表演当中，畀外地人直接骂要伊拉用普通话表演，弗要讲上海话。之后网络上向对迭个事体有过一眼反应讨论，但不过动静也弗大——迭个也从另外一面反映出滑稽戏个边缘地位。