澳门

澳门（葡萄牙語：Macau；英语：Macao），简称澳，全称澳门特別行政区，是中华人民共和国两个特别行政区之一，垃拉南海北岸、珠江口西侧，北接广东省珠海市，东面搭邻近个香港相距63公里，其余两面搭南海邻接。

澳门勒中國个地理位置

澳门

澳门由澳门半岛、氹（dáon）仔、路氹搭路环四个区域所组成，2000年后氹仔搭路环之间填海形成出以赌业为主个路氹城：澳门半岛是澳门个核心，伊个东北面小部分陆地搭中国大陆连接，氹仔搭路环原本分别为两座离岛，后来因填海而成为路氹城。

澳门古称濠镜澳，或称濠江、龙涯门、海镜、镜海、马交、梳打埠。

1980年代，葡萄牙搭中国探讨澳门前途，后头于1987年签署《中葡联合声明》，葡萄牙根据声明于1999年12月20号移交澳门政权畀中国，实行一国两制，“澳人治澳、高度自治”。澳门为独立经济体，其中旅游业搭博彩业为重要产业。

澳门个发音

粵語發音

普通話讀音

（巴西）葡萄牙語發音

行政區劃

澳門特別行政區之行政劃分 （衛星圖片）地籍資訊網

维基共享资源里向寻得着搭该篇文章搭界个多媒体资源：

澳门

历史

澳门勒明代史书里向拨称为“蚝镜”（濠镜），澳门当时辰光是葡萄牙帮中国贸易个主要补给港口。葡萄牙人登陆澳门后头，问当地人搿𡍲叫啥，勒妈阁庙旁边咾，当地人以为伊拉问埃爿庙所以就回答“妈阁”，就这样澳门就被命名为“Macau”（粤语“妈阁”葡文译音）。澳门原本属于广东省香山县（现在中山市）。1557年，葡萄牙人向当时辰光大明政府得到居住权，成为第一批进入中国个欧洲人。最初由果亚亲王管辖，1623年，葡萄牙政府委任马士加路也是首任澳门总督。

澳门史浪以着名中西文化交流，勒世界经济运转有过大功。

1844年9月20号，葡萄牙女王玛丽亚二世宣布澳门做“自由港”；1849年，葡萄牙弗再向中国交澳门个地租。1851年，葡萄牙占领仔氹仔。1864年，葡萄牙再趟占领路环。1883年，葡萄牙再占领望厦、青洲。1887年，当时个葡萄牙政府迫清政府签订《中葡和好通商条约》，规定哉“葡国永驻管理澳门以及属澳之地与葡区治理它处无异” 。1896年，葡萄牙企图再占领附近个大小横琴岛，但弗成功。1908年，葡萄牙要求展界，并划定澳门个界址。1961年，葡萄牙海外部确定澳门为旅游区，特准设立赌场。同年澳门政府颁布《承投赌博娱乐章程》。勒1974年，澳门首条陆路连接工具──澳氹大桥落成启用之前，民间或运输往来两离岛搭湾仔侪只有船，曾经有航班。

葡萄牙人勒澳门一直拥有特权或者特殊地位，普遍居民对搿个情况多多少少弗满意：搿样弗满，从1849年8月29号沈志亮杀死亚马留总督开始，直到1966年12月3号，因为文化大革命搭仔氹仔坊众学校事件而触发个“一二三”事件为止个情况好看到。1974年4月25号葡萄牙革命，新政府实行非殖民地化政策，承认澳门弗是殖民地，而是中国领土。中葡两国政府勒1986年开始为了澳门问题展开合共四轮谈判，1987年4月13号两国总理勒北京签订《关于澳门问题的联合声明》搭两只附件。联合声明讲，澳门地区（包括澳门半岛、氹仔岛搭路环岛）是中国个领土，中华人民共和国会得勒1999年12月20号拿澳门恢复行使主权，而1993年3月31号勒北京，由全国人大通过并经当时国家主席江泽民颁布个《澳门特别行政区基本法》（共九章145条另加三附件）成为相当於澳门自家个“宪法”。

1999年12月20号零时勒澳门新口岸交接仪式会场（拆脱了，现在分别改建为“文化中心广场”搭“澳门回归贺礼陈列馆”），由中、葡两国元首见证澳门第127任总督韦奇立搭澳门特区行政长官何厚铧交接澳门政权，明朝早浪向澳门人欢迎驻澳门解放军，中华人民共和国正式对澳门行使主权。根据《基本法》，澳门特区行政长官是五年一任，最多好连任一趟。

姐妹城市

•  葡萄牙里斯本
•  葡萄牙波图
•  葡萄牙科英布拉（搭过去个海岛市签约，海岛市就是现在个氹仔跟路环）
•  瑞典林雪平
•  巴西圣保罗
•  比利时布鲁塞尔（友好协约书）