特别行政区是中华人民共和国为著统治香港、澳门、台湾，弄出来个一种行政区划形式。特别行政区搭省、直辖市、自治区平级，但是有高度自治权，可以处理自家个经济、金融、教育、医疗、社会管理等各方面个问题，可以保留资本主义制度。箇种设想是邓小平提出来个，也讴一国两制。对于设想中个台湾特别行政区，还可以有军事权。但是特别行政区个主权属于中国，权力来源于中央政府。因此，特别行政区弗是联邦主体，一国两制弗是联邦制。目前中国有香港、澳门两个特别行政区。
