珍娜·詹姆森

珍娜·詹姆森（英语：Jenna Jameson，1974年4月9号－）是一名意大利裔个美国前色情演员搭企业家。

詹姆森拉2000年托杰·葛定纳（Jay Grdina）成立情色娱乐公司：珍娜俱乐部（ClubJenna），渠托葛定纳两人后来结婚又离婚。最初珍娜俱乐部只是个简单网站，箇项业务随后扩大到管理别样类似影星网站，并拉2001年开始拍色情电影。渠个第一部色情片：《布莉安娜爱珍娜》（Briana Loves Jenna，托布莉安娜·班克斯合演），被2003年AVN奖评为2002年最畅销暨最佳出租情色影片。到了2005年，珍娜俱乐部个收入为3000万美元，估计一半为利润。渠个广告搭电影个网站（往往托渠个照片有关）拉纽约时代广场有一座48英尺高个广告牌。花花公子电视（Playboy TV）为渠主办《珍娜个美国女优》（Jenna's American Sex Star）实境秀，拉此秀激励色情明星们竞争珍娜俱乐部个合同。

从饰演拉1997年执导个电影《隐私部分》里个一个小角色开始，詹姆森亦「捞过界」打入了主流流行文化。渠拉主流媒体（如拉E!秀个来宾主持节目、2002年电子游戏《侠盗猎车手：罪恶之城》里得奖个声优角色、以搭2003年NBC电视影集史特灵先生（Mister Sterling）两集里个来宾角色）持续曝光。渠拉2004年个自传：《如何像个色情影星般做爱：幕后故事》（How to Make Love Like a Porn Star: A Cautionary Tale）盘据纽约时报畅销书榜六周之久。渠亦托维京漫画（Virgin Comics）合作出版了一本恐怖漫画书：《珍娜詹姆森个影子猎人》（Jenna Jameson's Shadow Hunter），该漫画拉2008年2月发行。