瓜達康納爾島（英語：Guadalcanal），簡稱瓜島，勒西南太平洋，是太平洋西部一系列火山島之一，也是所羅門群島裏向頂大個島，所羅門群島個首都霍尼亞拉就勒該隻島北面海岸。經濟浪主要靠漁業搭農業，1990年起開始掘著金礦。瓜達康納爾島面積5302平方公里，人口109382（1999年數據）。該隻島勒1788年畀發現，1893年成為英國保護領地，勒第二次世界大戰期間畀日本軍佔脫。1942年8月美軍進攻該隻島，經過激烈個叢林戰過後，日軍個補給線畀美軍切斷，多數日軍儕餓煞脫哉，逃出去個日軍叫該隻島「餓島」，盟軍勒1943年2月佔領該隻島。
