生煎馒头

生煎馒头（上海闲话：san ci moe deu）是主要垃北吴（特别是上海、苏州）个一种传统小喫，普通闲话叫生煎包。

生煎馒头

伊个馅料一般性讲用猪肉，有辰光也用鸡肉，近跄也有种店用虾肉蟹肉咾啥。生煎馒头上头是白颜色个，皮软，咬口会得有汤汁跑出来，底面末是焦个。搿个是上海苏州传统早点帮点心。

名字

“生煎”搿只名字是来自伊做个方法。馒头垃涂了层油底个平底锅排一排，拿水喷到馒头浪，搿能伊就𠊉畀油潽到。等到下头变硬个金黄色就好出锅。经常性也会得撒点葱花。

历史

据讲1920年辰光上海就有小笼馒头，垃老虎灶旁边，开一爿半开间门面个小店。门口立垃海一只柏油桶改来煤炉，上头放只平底锅，里向有得长条形个台板，搿就是生煎店个雏形。乃末后头黄楚九垃自家开个萝春阁茶馆里向开始卖生煎馒头，让小笼有得交关名气。现在小笼馒头弗单单是一种小喫，垃全世界也有老多单独个小笼店铺。