甲型流感病毒H7N9亚型
H7N9（Influenza A virus subtype H7N9，写成功A(H7N9)或者H7N9）是一种甲型流感病毒，是禽流感病毒或者禽流感病毒个一种亚型。
H7N9原本属于低致病性个感冒病毒，弗大会得死人个。人类畀甲型流感H7N9病毒感染个病例是勒中国江南地区第一趟畀发现个。2013年再发现人也会畀感染 。可能病毒已经出现之基因改变或基因洗牌，变成之高致病性禽流感哉。
病毒
编辑病毒基因有八节（HA搭NA是从H7N9禽流感病毒来个，6个内部片段﹝分别是PB2、PB1、PA、NP、MP、NS﹞来源于H9N2禽流感病毒），其中H7个部分是从浙江个野鸟来个，N9个部分是从韩国个野鸟来个，其它六节应该是长江以北来个。
基因序列分析显示, 箇种病毒对神经氨酸酶抑制剂比较敏感。
传播方式
编辑勒箇以前个研究显示，H7N9病毒会勒禽类当中传播，但弗会让禽类出现症状，而H5N1倒是会让畀感染个禽类死脱个，所以追踪H7N9勒禽类当中个传播更加困难。世界卫生组织认为，H7N9病毒“弗大可能”勒人群当中大流行，目前还呒没箇种病毒勒人际间传播个证据。而目前，对确诊病人个密切接触者个医学观察，也朆出现畀病人感染个情况。
高危人群
编辑中国国家卫生和计划生育委员会认为，现阶段高危人群主要是从事禽类养殖、销售、宰杀、加工业者，以及勒发病前一个礼拜之内接触过禽类个人。
症状
编辑初期会出现咳嗽、发寒热个症状，过后发展成肺炎，还会呼吸困难。
箇种毛病潜伏期一般勒7日天以内，病人一般表现为流感箇浪个症状，像发寒热，咳嗽，少痰，有种辰光还会头痛、肌肉酸痛搭全身弗适意。重症患者病情发展迅速，表现为重症肺炎，体温大多维持勒39℃以上，出现呼吸困难，有种辰光还会咯血痰；有可能快速发展出现急性呼吸窘迫综合征、纵隔气肿、脓毒症、休克、意识障碍还有急性肾损伤等。