电影历史
电影历史跨越了从19世纪末期到21世纪初个一百多年。电影作为一种活动影像也渐渐由聚众猎奇发展成为21世纪大众传媒、交流搭娱乐个重要工具之一。电影也拉艺术、科技搭政治领域造成了巨大影响。
默片时期 编辑
早期个电影侪是“无声电影”。然而，电影发行商发现，拉播放电影辰光有一个讲评人来叙述故事、补上角色间个对话，可以更吸引观众。没过几年，播放个电影侪会拉下头附上字幕，迭样就可以拉演员“讲言话”个辰光，表示出他讲个内容。
有声时期 编辑
后来，技术个进步允许制片人创作搭电影画面同步个音轨，让电影进入了有声时期。史上第一部有声电影是爵士歌手（1927年）。
电影发展最后一个重要步骤是彩色电影于1930年左右引入市场，而被世界上第一部公认个彩色电影片是《浮华世界》。
拉电影制作初期，电影个特效（特别效果）镜头加以各项技术来配合。到乃朝，电脑制作已大量配合应用拉电影制作上。