在拉电磁学里,电荷(教会罗马字:dien-wú。英文:electric charge)是物质个一种物理性质。带有电荷个物质是称作“带电物质”。两只带电物质之间会互相对对方施加作用力,也会感受着对方施加个作用力,迭个里向涉及个作用力遵守库仑定律

电荷分成功正电荷veu电荷两种。带仔正电荷个物质讲伊“带正电”;带仔负电荷个物质讲伊“带负电”。假使两只物体侪带仔正电咾侪带仔负电,个么讲个两只物体「同电性」,否则讲迭个两只物体是「异电性」。两只同电性物体会相互感受着对方个排斥力;两只异电性物体会相互感受着对方个吸引力。迭个就是常庄讲个「同性相斥,异性相吸」迭个道理。

电荷也是交关种次原子层次浪个微观粒子拥有个一种基本性质。带有电荷个粒子就叫做「带电粒子」。电荷决定仔带电粒子在拉电磁方面个物理行为。静止个带电粒子会产生电场,移动中个带电粒子会产生电磁场,带电粒子也会畀拉电场或电磁场影响。一只带电粒子搭电磁场之间个相互作用称为电磁力或电磁相互作用。电磁相互作用是物理学里向四种基本相互作用中个一种。