的里雅斯特自由区

的里雅斯特自由区(西文：Territorio libre de Trieste）是1947-1954年立在的里雅斯特周边存在个一个中立地区。此地产生个原因是第二趟世界大战之后，共产主义个南斯拉夫进入本身立在意大利控制下头个的里雅斯特，搭西方盟军发生冲突，后势来联合国介入，形成迭个中立地区。该地名义浪有面积七百多平方公里，弗过，实际浪是出于两个弗同阵营分别掌控下头个。个当中，A区囊括乃朝的里雅斯特市区范围，有人口廿万。B区囊括周边乡村，面积大，弗过人口只有7万。到1954年，双方协议根据A，B区域划分边界，A区回归意大利，B区正式畀南斯拉夫占领。1990年代东欧剧变之后，南斯拉夫境内个B区让斯洛文尼亚继承。