阊门
（从破楚门转戳到箇里）
阊门是苏州城西北面城墙浪一座城门，附近曾因商业繁荣而出名。
| 阊门遗址 | |
|---|---|
 | |
| 苏州市文物保护单位 | |
| 所在 | 苏州市姑苏区 |
| 坐标 | 31°19′01″N 120°36′02″E |
| 分类 | 古建筑 |
| 登录 | 1998年11月24号 |
|
| |
箇扇门最早是勒拉春秋时期造个，是阖闾大城个八座门之一。前506年，孙武、伍子胥等就是从箇個阊门出发，领咾一帮吴国士兵去讨打楚国个，凯旋也是从箇面回来个，故咾阊门亦叫破楚门。
明清时期，阊门是座带有瓮城个水陆城门。陆城门有东西两道城门搭仔南、北两个童梓门。门外头有吊桥，门里向就是阊门大街（今朝个西中市）。南童梓门连咾今朝个南新路，北童梓门去北码头。水城门勒拉陆城门北面，跨下塘街河。门外有聚龙桥。
1934年阊门仿照金门，改造成罗马式个城门，有三只门洞，当中只是车行道，两面只是人行道。1958年大跃进运动个辰光，阊门畀人拆脱，城砖扒下来用来造炼钢铁个土高炉。2006年，苏州市人民政府重造古阊门。