维基百科

礼文岛

礼文岛（日文：礼文島／れぶんとう Rebuntō），勒拉日本北海道西北面日本海浪。伊勒拉利尻岛西北面，当中隔了只礼文水道。整只岛畀礼文郡礼文町管拉。

从利尻山浪看个礼文岛

因为礼文岛浪有交交关关个高山植物，箇咾伊也有“花之浮岛”个名字[1]。

地名个来源 编辑

礼文岛箇个名字从阿伊努语里向个“rep-un-sir/レプン・シリ”，意思是海对过个岛[2]。

地理 编辑

 
礼文岛个地形图
 
须古顿岬（日语：スコトン岬）

礼文岛是日本顶顶北面个有人岛。伊东西长约码7.9千米，南北长约码25.8千米，周长差弗多72千米。须古顿岬（日语：スコトン岬）搭金田岬当中有一個直径5千米，半圆形样子个港湾。岛浪顶高个地方是礼文岳，有490米[3]。

礼文岛箇面海蚀崖岸弗少，海拔弗高但气候瀴溲溲，算冰缘形地形搭海洋性气候，有高山植物群落，是座丘陵地形个离岛[4]。

历史 编辑

礼文岛勒拉新生代第三纪前可能就已经有哉。岛浪个香深井搭船泊附近发现鄂霍次克文化个遗迹，别个地方有阿伊努时期个堡垒遗迹。1456年，岛上个香深井阿伊努部落搭矶谷阿伊努部落勒拉现在个桃岩附近打了一仗。

1685年，礼文岛变成松前藩宗谷场所个附属场所。后些来宗谷场所裂开来，礼文、利尻、宗谷成为独立个场所。

1846年，陆奥国头一趟拉箇面开渔场。

1885年，小樽-利尻-礼文个航路开始通航。

进入大正时代以后，礼文岛浪开始挖煤。

1924年到1926年，为唠赶野鼠搭养毛皮，从千岛群岛新知岛浪引进狐狸来养，必过狐狸变成棘球蚴病个感染源。到1963年，有约码200人死拉棘球蚴病浪。现在因为打猎，狐狸拉礼文岛浪灭种个嗒，箇咾棘球蚴病拉岛上也畀消灭脱，现在礼文岛算棘球蚴病非污染地区[5]。

旅游 编辑

礼文岛内向有好几条观光路线[6]。因为瀴溲溲个气候，箇咾岛浪有礼文敦盛草（日语：レブンアツモリソウ）等三百多种高山植物，当中有弗少是礼文岛特有个，整只岛现在侪勒拉利尻礼文佐吕别国立公园里向[7]。

2007年，礼文岛浪成功开采了温泉。箇两年勒拉礼文岛北面个船舶湾地区，一向好看到野生个海豹，有个辰光也看得到北海狮。

礼文岛浪还有富士见丘滑雪场、久种湖畔滑雪场箇两個滑雪场许，当中久种湖畔滑雪场是日本顶顶北面个滑雪场[8]。

日本顶北面个湖久种湖（日语：久種湖）也勒拉礼文岛浪。另外，岛浪还有礼文瀑布。

 
桃岩
桃岩 
 
澄海岬
澄海岬 
 
元地海岸搭猫岩
元地海岸搭猫岩 

交通 编辑

机场 编辑

  • 礼文机场是礼文岛浪唯一个机场，但从2003年（平成15年）4月开始呒没定期航班。2009年4月，礼文机场暂停使用[9]，只有医疗等紧急用途个辰光会得用。

港口 编辑

参见 编辑

参考文献 编辑

  1. ↑ 利尻礼文サロベツ国立公園 (ja). 環境省. 访问日脚2014-07-28.
  2. ↑ アイヌ語地名リスト ル～ワ　P141-145. アイヌ語地名リスト. 北海道 環境生活部 アイヌ政策推進室 (2007). 访问日脚2018-06-17.
  3. ↑ 冬の礼文岳に登りました。 (ja). 北海道森林管理局. 原始文档勒2021-04-16存档. 访问日脚2014-07-28.
  4. ↑ 植木岳雪, 利尻島礼文島の海成段丘// (编) 利尻町立博物館 (编), 利尻研究 19, 67–78, 2000 [2020-10-09], （原始内容存档于2016-08-18） 
  5. ↑ 礼文島エキノコックス症の自然史 (ja). 国立感染症研究所感染症情報センター. 访问日脚2014-07-28.
  6. ↑ 散策路マップ (ja). 礼文町. 访问日脚2014-07-28.
  7. ↑ みどころ紹介 (ja). 利尻礼文サロベツ国立公園. 访问日脚2014-07-28.
  8. ↑ 富士見ヶ丘スキー場・久種湖畔スキー場 (ja). 礼文町教育委員会. 访问日脚2014-07-28.
  9. ↑ 礼文空港の供用休止の許可について (ja). 国土交通省. 访问日脚2014-07-28.
取自“https://wuu.wikipedia.org/w/index.php?title=礼文岛&oldid=307275”