神圣罗马帝国
神圣罗马帝国（德文：Heiliges Römisches Reich；拉丁文：Sacrum Romanum Imperium），1512年之后，称呼改成德意志民族神圣罗马帝国或日耳曼民族神圣罗马帝国（德文：Heiliges Römisches Reich deutscher Nation；拉丁文：Sacrum Romanorum Imperium nationis Germanicae），是中世欧洲存在过个顶顶重要国家，也是传统意义浪西欧唯一有资格叫做帝国个国家。迭个国家渊源来自查理曼大帝个法兰克帝国，到962年，畀奥托一世重新以东法兰克为基础建立新个帝国，名义浪，迭个帝国是西罗马帝国个延续，弗过无论文化还是社会体系，侪发生邪气大个变化。14世纪之后，帝国个皇帝头衔长期由哈布斯堡家族保持，同时帝国内部交关地区开始弗稳定，到16世纪宗教改革之后，蛮多地方，包括低地、瑞士搭意大利个城邦侪获得独立，帝国本身个诸侯也获得类似独立国家个权力。18世纪，本身东部边陲个小国家普鲁士崛起，立在奥地利王位继承战争当中吞并西里西亚，让神圣罗马帝国个势力均衡打破。18世纪挨末阶段，法国爆发暴动，路易十六死脱，神圣罗马帝国介入干涉法国事务，弗过因为吃弗消 总体战搭国族主义个刺激，屡战屡败，到1806年，已经成为独裁统治头目个拿破仑强行命令哈布斯堡取消神圣罗马帝国头衔，个能，神圣罗马帝国也就终结哉。
