维基百科

福岛第一核电站事故

福岛第一核电站事故是2011年3月11号拉东京电力公司个福岛第一核电站中发生个堆芯熔毁等核事故，原因是受到日本东北地方太平洋近海地震搭伴随而来个海啸个影响。迭起事故拉国际核事件分级表 (INES) 中好排拉最严重个7级（特大事故）。2015年3月调查发现，堆芯内所有个核燃料侪已熔毁。迭起事故是东日本大地震个次生灾害之一。

2011年3月16号拍个烧起来个福岛第一核电站
从左到右分别是4、3、2、1号机

核污水排放问题

编辑
 
福岛第一核电站外头，用来存水个储存槽

2013年7月22号，勒拉事故发生后两年多，东电头一趟承认福岛核污水放射性污水正漏进太平洋，证实了渔民搭仔辐射监督机构专家多年个怀疑[1]。

2014年开始，东电开始拉事故反应堆周围个地底下头修建冻土屏障，阻止反应堆里向个核燃料污染地下水[2]；但是到2016年，东电公司承认箇個屏障只会得“减缓”受污染地下水个渗透，呒没办法完全𢴳牢伊[3]。

2012年10月，东芝研发出好从污染水里向去脱氚以外62個核素个“多核素除去装置”ALPS（英文：Advanced Liquid Processing System，直翻“高级液体处理系统”，日文简称：アルプス）[4][5]。2013年3月25号，日本原子能规制委员会根据实验个评价[6]批准进行试运行。必过因为氚呒没办法去脱，有计划拿掺有氚个污染水稀释以后排到海里向，故咾有渔民表示反对。在氚箇一点浪，东电方面坚称伊是安全个[7]，引起弗小个争议[8]。

到2021年3月，核电厂区域拢总存拉125万立方米个核污染水[9]，经净化系统处理以后，除脱氚，其他放射性同位素畀去脱。到2020年11月，拢总有27%个经净化个废水达到排放标准，挺下来个还需要净化[10]。必过，氚呒没办法从水里向分离出来，到2019年10月个辰光，水里向个氚含量已达到约856TBq，平均浓度达到每升0.73MBq。专家认为，一年里向拿废水侪排脱，当地人吸收个辐射量比直接采取烧开个方法辐射量低，更弗要提日本人每年侪要吸收2100微西弗个自然辐射[11]。国际原子能机构认为估算数字准确，建议伊拉尽快制定核污水处理计划[12]。

尽管辐射量弗高，委员会仍然担心会得影响日本个渔业搭仔旅游业[11]。2021年2月9号，日本天主教主教会议搭仔韩国天主教主教会议公开反对排放计划，渔民、当地县理事会搭仔济州道知事元喜龙支持[13]。日本共产党也对排放计划表示强烈反对[14]。

虽然各方反对，日本政府还是勒拉2021年4月13号正式宣布排放核污水，预计勒拉两年以后进行污水排放[15]。

2021年9月中旬以来，福岛核电站个冻土屏障出现异常升温[16]。

2021年11月2号，日本原子能规制委员会宣布，2020年开始，勒拉福岛核电站周围水域进行个海洋监测中，一直设错脱放射性物质个监测下限值[17]。

2022年7月22号，日本原子能规制委员会宣布，批准东京电力公司福岛第一核电站核污染水排放计划。如果讲排放计划获得福岛县等地方政府搭仔相关渔业从业者个同意，东京电力公司即可动工建设海底隧道等排放设备，实施排放计划[18]。

2023年8月24号开始，福岛第一核电厂个放射性污水开始排放，为期30年。因核污染水曾直接接触核反应堆堆芯，箇项行为引发周边国家个严重关切[19]。

必过，日本搭仔世界原子能机构侪表示呒设问题，排放符合标准。第二天（8月25号），东京电力公司头一趟公布海水检测结果，将8月24号开始，伊拉对福岛第一核电站3公里范围内里向10個地方进行海水采样检测，显示氚浓度低过10 Bq/L个检测下限，也就是测弗出来[20][21][22]。日本水产厅勒垃福岛第一核电站外头，距排放口約4公里个海域，捉着一条比目魚、一条小銀綠鰭魚，测下来侪没氚[23][24]。8月27号，日本环境省公布伊拉勒垃25号早上向蹲拉福岛第一核电站方圆约40公里里向11個地方个海水分析结果，显示所有地方个氚浓度侪比检测下限低；当局还分析了当中3個地方个海水样本个铯-137等放射性物质，结果一样比检测下限低[25]。同一天，日本福岛县当局也公布25号伊拉从核电站方圆5公里以内9個地方个海水样本分析结果，氚个浓度侪比可检测下限低[26][25]。9月1号，東京電力公司表示，8月31号个辰光，伊拉勒垃福島核處理水排放口附近测出海水氚浓度是10 Bq/L，8月24号开始头一趟测出核处理水个浓度[27]。9月8号，国际原子能机构（IAEA）表示，箇只机构头一趟对该核电站附近3公里里向几個地方个海水进行独立采样搭仔测量，确认氚含量符合安全标准，测量结果同东京电力公司搭仔日本环境省报告数值一致[28]。 9月11号，首階段約7800噸核處理水排放結束。東京電力表示，核電站3公里範圍里向个海水樣本結果顯示，氚个濃度最高只有10 Bq/L，遠低过一开始設定个需要暫停排海个700 Bq/L水平[29]。

10月5日，第二阶段核处理水排放开始，预计要勒垃17天里向排放7800吨核处理水[30]；10月23号按时完成[31]。

10月24号，国际原子能机构开展排放启动以来头一趟全面安全调查，韩国、中国、俄罗斯等11個国专家组成调查团，考察福岛第一核电厂个排放设施、展开环境监测，并评估第三阶段排海计划，预计勒垃两个号头后公布调查报告[32][33]。

10月25号，箇只核电站里向有5名工作人员勒垃汏核废水净化设备个管道个辰光畀放射性废液滋一面孔，2家头送到医院观察，呒没啥個弗适意，28号出院[34][35]。事故原因是阀门操作导致管内压突然之间变化，软管脱落[36]。

11月2号，第三阶段核处理水排放开始，排17天，排放量约为7800吨[37][38]。

2024年2月7号，日本东京电力公司表示，福岛第一核电站核污染水净化装置漏脱约5.5吨含放射性物事个核污染水，里向有铯、锶等放射性物质约计220亿贝克勒尔[39]。

参考文献

编辑
  1. ↑ "Fukushima Plant Admits Radioactive Water Leaked To Sea". Huffingtonpost.com. Retrieved 2014-08-02. 
  2. ↑ CONSTRUCTION OF WATER-BLOCKING ICE WALL STARTS AT FUKUSHIMA. TEPCO (2014-06-03).
  3. ↑ Otake, Tomoko (20 July 2016). "In first, Tepco admits ice wall can't stop Fukushima No. 1 groundwater". The Japan Times. Retrieved 2021-04-13. 
  4. ↑ 多核種除去設備の設置について (pdf). 東京電力 (2012-01-23). 访问日脚2017-03-28.
  5. ↑ 多核種除去設備 (ALPS). 東京電力. 访问日脚2017-03-28.
  6. ↑ 原子力規制委員会 東京電力福島第一原子力発電所多核種除去設備（A系）のホット試験開始に関する評価について（案）PDF 平成25年3月19日
  7. ↑ 福島第一原子力発電所でのトリチウムについて (pdf). 東京電力 (2013-02-28). 访问日脚2017-03-28.
  8. ↑ 六ヶ所再処理工場から放出されるトリチウムの危険性 (pdf) (2014-03-07). 原始文档勒2021-04-10存档. 访问日脚2017-03-28.
  9. ↑ Treated Water Portal Site. Tokyo Electric Power Company Holdings (13 April 2020).
  10. ↑ ALPS Treated Water Q&A / METI Ministry of Economy, Trade and Industry. Ministry of Economy, Trade and Industry (12 April 2020).
  11. ↑ 11.0 11.1 The subcommittee on handling of the ALPS treated water report pp. 12, 16, 17, 33, 34. Ministry of Economy, Trade and Industry (10 February 2020).
  12. ↑ IAEA follow-up review of progress made on management of ALPS treated water and the report of the subcommittee on handling of ALPS treated water at TEPCO's Fukushima Daiichi nuclear power station. International Atomic Energy Agency (2 April 2020).
  13. ↑ Staff, C. N. A.. Catholic bishops of Japan, Korea criticize Fukushima radioactivity clean-up plans (en).
  14. ↑ 汚染水海洋放出 断固反対/党国会議員団、経産相に要請/決定強行やめよ (ja). 日本共産党 (2021-04-13). 访问日脚2021-04-14.
  15. ↑ Japan to start releasing Fukushima water into sea in 2 years (2021-04-13). 访问日脚2021-04-13.
  16. ↑ "日媒：福島核電站用於阻擋核污水的“凍土墻”異常升溫". Archived from the original on 2021-11-02. Retrieved 2021-10-29. 
  17. ↑ "外交部：福岛核污染水的处置绝不是日本一家的私事，敦促日方撤销错误决定". Retrieved 2021-11-04. 
  18. ↑ 原子力規制委員会 福島第一原発“処理水”放出計画を認可（日テレNEWS） (ja). 原始文档勒2023-08-16存档. 访问日脚2023-10-28.
  19. ↑ https://www.facebook.com/BBCChinese+(2023-08-24).+福島核廢水：日本啟動排放「處理水」至太平洋，中國全面禁止日本水產品進口 - BBC 中文網 (zh-Hant-CN).
  20. ↑ Announcement Regarding Analysis Results of Tritium Concentration in Seawater Sampled After the Start of Discharge of ALPS Treated Water (en) (2023-08-25).
  21. ↑ トリチウム濃度は検出限界値未満　東電が海水の分析結果発表＜廃炉と海＞ (ja) (2023-08-26). 访问日脚2023-08-27.
  22. ↑ 日本东电称核污染水排海后的检测结果没问题 外交部回应 (zh) (2023-08-25).
  23. ↑ 福島第一周辺の魚類からトリチウム検出されず…水産庁、処理水の放出後初の検査結果 (ja) (2023-08-26). 访问日脚2023-08-27.
  24. ↑ 日核廢水排海 「福島魚」檢測結果出爐 (zh-tw) (2023-08-26). 访问日脚2023-08-27.
  25. ↑ 25.0 25.1 "日环境部：核处理水排海次日 海水经检测无不利人与环境" (in zh-Hans). 联合早报网. 
  26. ↑ 日本核处理水入海新检测结果曝光 (zh-hans) (2023-08-27).
  27. ↑ 福岛一核处理水启动排海后首次在近海检出氚 (zh-hans). 共同社 (2023-09-01). 原始文档勒2023-09-02存档. 访问日脚2023-09-02.
  28. ↑ IAEA Conducts Its First Seawater Sampling After Japan’s Discharge of ALPS Treated Water, Finds Tritium Level Below Limit (en) (2023-09-08).
  29. ↑ 福島核污水首階段排海結束 (zh) (2023-09-11).
  30. ↑ "日本第二波核處理水排放入海 中國反應強烈" (in zh-Hant-TW). Rti 中央廣播電臺. 2023-09-08. Retrieved 2023-10-07. 
  31. ↑ "Second round of Fukushima Daiichi treated water release completed, TEPCO says" (in en). NHK WORLD. 2023-10-23. Retrieved 2023-10-25. 
  32. ↑ Author, No (2023-10-24). "IAEA conducts first safety review of Fukushima water since release" (in en). The Japan Times. Archived from the original on 2023-11-06. Retrieved 2023-10-25. 
  33. ↑ "IAEA来日进行处理水排海后首次调查" (in zh-Hans). NHK WORLD. 2023-10-24. Retrieved 2023-10-25. 
  34. ↑ "福岛作业人员因接触含放射性物质废液住院观察". 共同网. 2023-10-26. Archived from the original on 2023-11-17. Retrieved 2023-11-17. 
  35. ↑ "因接触放射性废液住院的福岛作业人员已出院". 共同网. 2023-10-29. Archived from the original on 2023-11-17. Retrieved 2023-11-17. 
  36. ↑ 日本公布福岛核污水溅射事故原因：阀门操作导致压力骤变 (zh) (2023-11-17).
  37. ↑ "日本11月2日开始第三轮福岛核处理水排海" (in zh-Hans). 联合早报. 2023-11-02. Retrieved 2023-11-05. 
  38. ↑ "日本第3波核處理水排海完畢 擬新年後排第4波" (in zh-Hant-TW). 中央社 CNA. 2023-11-20. Retrieved 2023-11-20. 
  39. ↑ NHK. 2024-02-07. https://www3.nhk.or.jp/lnews/fukushima/20240207/6050025255.html. Retrieved 2024-02-07. 
取自“https://wuu.wikipedia.org/w/index.php?title=福岛第一核电站事故&oldid=321384”