童祥苓

童祥苓（1935年3月5号—2024年12月2号），生勒天津，江西南昌市人，著名京剧表演艺术家，工老生演员，“童家班”之一，第一批国家级非物质文化遗产项目京剧代表性传承人。伊师从马连良、周信芳两位大师，唱做全面，戏路宽广。1949年跟咾“童家班”一道进仔上海京剧院。1956年，伊畀特聘成鞍山京剧团主要演员，1957年回到上海京剧院。

1965年，伊凭本事进仔上海京剧院《智取威虎山》剧组演杨子荣，结果因为伊阿姐童芷苓个成分问题帮张春桥吵起来，畀拉去审查。1969年畀清回来出演现代京剧样板电影《智取威虎山》，1970年上映个辰光，凭借演个杨子荣全国有名，但是还是畀请出去哉。

2009年2月份，上海市文化部门拿伊推选为“上海市非物质文化遗产项目代表性传承人”。2024年12月2号，童祥苓来勒上海瑞金医院走脱，享年89岁。