第一财经电视

第一财经电视是第一财经传媒有限公司旗下个电视部门，制作播出以投资者为对象个专业财经节目，总部设拉上海，勒拉北京、深圳有直播室，香港、新加坡、东京、首尔、悉尼、洛杉矶、旧金山、芝加哥、纽约、伦敦、吉隆坡咾啥个地方有特约观察员。全天播出20個钟头，交易日个辰光有近12個钟头个直播节目，内容包括经济、金融、贸易、投资咾啥个。

历史

1997年12月26号，上海有线电视台财经频道开播。2000年4月17号，上海有线电视台拿本来个新闻、财经频道合併，组成功新闻财经频道。2001年12月13号，上海有线电视台撤销，频道併进上海电视台，名字改成功财经频道。

2002年1月1号，财经频道开播《第一财经》日播栏目，每期时长30-45分钟，8点30分、12点搭仔21点播出。2003年7月7号开始，原先个上海电视台财经频道跟本来个东方电台财经频率统一对外呼号变成功“第一财经”。