箇个杀手弗大冷
| 箇个杀手弗大冷
Léon | |
|---|---|
| |
| 上映日期 |  1994年9月14号
|
| 各地片名 | |
| 中国大陆 | 这个杀手不太冷，杀手莱昂 |
| 香港 | 这个杀手不太冷 |
| 台湾 | 终极追杀令 |
.svg){kind=small}
《箇个杀手弗大冷》（原题：Léon，美国片名：The Professional）是一部1994年个电影，由法国导演卢·贝松编剧搭执导，也是渠首部往好莱坞发展拍摄个电影。由尚·雷诺、盖瑞·欧德曼及娜塔莉·波曼主演。箇片个人性温情流露，得到哉蛮多个肯定，可算是渠个代表作。
本片个背景搭主要拍摄地是纽约市。
故事简介 编辑
里昂·蒙泰拿（尚·雷诺饰）是意大利裔美国人个顶顶结棍个职业杀手，一向孤独个渠住拉纽约小意大利，为一名叫东尼个意大利餐厅老板（也是意大利裔美国人）服务，只有一盆万年青是渠顶好个朋友。渠形容：“渠永远侪老开心，从来侪弗问问题，而且也搭我一样—呒不根。”渠虽然身手不凡，但内心其实交关缺乏安全感。渠甚至从来侪弗敢拉床浪睡觉，而是坐拉椅子浪睡觉，并畀手枪放拉手边以便随时应付任何入侵个敌人。
一天，12岁个邻居女孩玛蒂达·兰度（娜塔莉·波曼饰）罕有地敲响哉里昂个家门。原来，玛蒂达当毒贩个爸爸因私吞了一包缉毒局黑警个毒品，全家惨遭黑警警官诺曼·史丹菲尔（盖瑞·欧德曼饰）冷血灭门，只有玛蒂达因为出门购物逃过一劫，当下只好哭着向里昂求救收留。得到里昂个收留后，开始帮里昂管家并教渠识字，里昂则教渠杀手个技能，两人渐渐生起既似父女又似恋人个复杂情愫。
后头玛蒂达跟踪史丹菲尔，贸然去报仇反到畀抓。里昂及时赶到，拿渠救回。渠拉再趟搬家，但由于里昂个雇主东尼（丹尼·艾洛饰）拿史丹菲尔讲出了里昂个下落，最终导致玛蒂达畀警方跟踪。箇趟史丹菲尔调动哉超过200名配备装甲车、突击步枪及榴弹发射器个重装备特警包围公寓，决心杀脱里昂。里昂击倒大量特警队员，再趟救出玛蒂达。由于管道忒小，只有体型较小个玛蒂达能通过，里昂于是让其带着那株盆栽通过通风管道逃生，并将毕生积蓄交托予渠。其后，里昂试图戴着面罩装成受伤个特警队员混出重围，但最后还是畀埋伏拉背后个史丹菲尔识破，中枪倒地。最后，垂死个里昂引爆装拉身上个所有个手榴弹，和史丹菲尔一起同归于尽。
里昂死后，东尼拒绝让玛蒂达继承里昂个钞票。玛蒂达乘坐缆车来到了垃拉罗斯福岛浪向个孤儿院，将里昂生前唯一个朋友—那盆万年青移出哉窄小个花盆，栽拉大地，里昂终于得以落叶归根。
回响 编辑
箇片拉观众个评价邪气之高，但专业评论弗有个么热情，烂番茄新鲜指数72%，平均分6.7。票房浪，本片以1600万美金预算得到哉4500万美金票房。本片是娜塔莉波曼出道作，也是尚雷诺第一部取得巨大成功个英语片，打开哉两人拉英语圈个知名度。拉2014年9月1号个资料，渠在imdb个历史250佳片（Top 250）里向排名第27。
外部链接 编辑
