约翰·罗克(英文：John Locke，1632年8月29号－1704年10月28号）是17世纪英国顶顶有名个哲学家之一。伊搭乔治·巴克来、大卫·休谟一道，畀公认为经验主义个时代代表人物。伊立在社会高头提出搭托马斯·霍布斯弗一样个观点，认为统治个人只有得到伊统治对象允许个情况下头，才好进行统治。所以伊鼓吹分散权力，拿立法权、行政权分开来。罗克个观点对之后个启蒙运动搭乃朝个当代政治侪有深远影响。
JohnLocke
