纵横家

纵横家，中国古代“九流十家”之一，是战国至秦汉之际连合政军外交联盟个一派。纵横家多为游说策辩之士，好算中国顶早个外交政治家。渠拉朝秦暮楚，事无定主，反复无常，策计㓰谋多数基于国际现实政治要求。合纵派主要代表是公孙衍搭苏秦，连横派主要代表是张仪。

历史发展

《韩非子》：“从者（合纵），合众弱以攻一强也；而衡者（连横），事一强以攻众弱也。”“纵”搭“横”个来历，据说是因南北向称为“纵”，东西向称为“横”。“合纵”指战国辰光齐、楚、燕、韩、赵、魏六国结盟南北向联合抗秦个外交策略；“连横”就是一强连一弱以破获众弱，指六国分别搭秦国东西向结盟个外交策略。

思想著作

纵横家主要著作今仅存《鬼谷子》十三篇、《战国策》三十三篇、《苏子》三十一篇、《张子》十篇，还有马王堆发现个《战国纵横家书》廿七章。

• 《战国策》：西汉刘向根据当时皇家书库收藏个纵横家书六種选本（《国策》《国事》《短长》《事语》《长书》《修书》）编辑个。
• 《战国纵横家书》：马王堆发现，整理者定书名。十一章搭今本《战国策》、《史记》大致相同，另外十六章不见于别样古籍。