终南山

终南山，貤叫中南山、杜南山、太乙山，是中国陕西个道教名山，勒到武功县搭蓝田县，海拔2,604米，是秦岭个一部分。

地理

终南山总体包括翠华山、南五台、圭峰山搭楼观台。

翠华山

翠华山有中国顶完整、规模邪气大个山崩景观

貤叫太乙山。翠华山有中国顶完整、规模邪气大个山崩景观，故咾来勒2001年3月份成为头一批国家地质公园。2009年8月份，秦岭终南山地质公园成功加入世界地质公园网络，翠华山是伊个核心园区。

南五台

南五台有观音、文殊、清凉、舍身、灵应五座山峰。

圭峰山

圭峰山俗称尖山，包括紫阁、大顶、凌云、罗汉诸峰，因為样子赛过圭玉，故咾叫箇隻名字。

楼观台

1992年，国家林业局开辟楼观台公交森林公园，楼观台有弗少碑刻，比方讲唐员半千隶书《唐宗圣观主尹文操碑》、唐苏灵芝行书《唐老君显见碑》、宋米芾行书《第一山》、宋苏轼行书《游楼观台题字》。

外部链接

• 翠華山地质公园 档案，存勒互联网档案馆当中。（2006年4月14号）